Jaryq dıodty shamdar eksportqa shyǵarylady

Atalǵan zaýyttyń kommer­sııa­lyq dırektory Aıjarqyn Ýalıev О́ńirlik kommýnıkasııa­lar qyzmetinde ótkizilgen brı­fıng barysynda jaryq dıod­ty shamdar joǵary sapa­symen erekshelenetinin aıta kelip, onyń úlken suranysqa ıe ekenin kóldeneń tartty. Endi kompanııa basshylary TMD elderi rynogyna shyǵýdy kóz­dep otyrǵanyn aıtty. Oraıy kelgende A.Ýalıev ká­sip­oryn ja­ryq dıodtary men me­tal­l qu­rylǵylaryn ázir­­­leý men jetildirý ba­ǵy­tyn­da kóp­tegen sharýalar tyn­dy­ryl­ǵandyǵyna nazar aý­dartty. Kompanııanyń basym baǵyty – ózderi jasaǵan syrtqy qalyp bazasynda sham­dardy jınaý, sonymen bir­ge fırmalar úshin dıodty ja­ryq­qa arnalǵan shamdar men olar­dyń qaptamalaryn ázirleý, eń bastysy, shamdar men olar­dyń qosalqy bólshekterin saý­daǵa shyǵarý. Kásiporynda ón­di­riletin shamdardy kez kelgen aýa raıynda, tipti ystyq seh­tar men ylǵaldy ǵıma­rat­tar­da da paıdalanýǵa bolady. 

Shyǵarylǵan ónim ámbe­bap ekendigin de aıta ketken oryndy. О́ıtkeni, mun­daı ónim­derdi tur­­ǵyn úı-kom­mýnaldyq sha­rýa­­shy­lyqta, sáý­lettik ja­ryq­­­tandyrýda, avto­trassada já­­­ne iri óndi­ris nysandarynda paı­­dala­ný­ǵa múmkinshilik bar. Sham­dardyń ortasha baǵasy 2000 teńge, al únemdeletin elek­tr qýaty shamamen 65 paıyzdy qu­raıdy. Búgingi tańda atalǵan kásiporynda 25 qyz­metker jumys isteıdi. Olar­dyń alatyn jalaqysy mamandyǵy men ótiline qaraı 60 myń teńgeden bastalady. Aıjarqyn Ýalıev kompanııa birer aıda jaqyn shet­elderge óz ónimderin ótkize bas­taıtyndyǵyn alǵa tarta otyryp, alǵashqy seriktes el О́zbekstan Respýblıkasy bola­tyn­dyǵyn aıtty.

Asqar TURAPBAIULY, «Egemen Qazaqstan» Aqmola oblysy