Ol Bulandy aýdanyndaǵy Makın qus fabrıkasynyń qurylysymen tanysyp, «Makınsk elevatory» JShS-inde bolyp, qýaty jylyna 34 myń tonnany quraıtyn bazalt mıneral taqtalar shyǵaratyn zaýytyn («Polıterm» JShS) aralady. Depýtat mańyzdy ınvestısııalyq jobalardy nátıjeli júzege asyrý aýdannyń aldaǵy ýaqytta ekonomıkalyq damýyna jaqsy serpin beredi dep sanaıdy.
R.Ákimov áleýmettik salanyń ahýalymen de tanysty. «Araılym» balalar baqshasynda, aýdandyq emhanada bolyp, eńbek ujymymen dárigerlik qyzmet kórsetýlerdi damytý jáne azamattardy medısınalyq saqtandyrý ınstıtýtynyń engizilýi máselelerin talqylady. Aqkól aýdanynyń basshylyǵymen kezdesý barysynda áleýmettik-ekonomıkalyq salaǵa qatysty máseleler talqylandy. Senator Parlamenttiń joǵarǵy Palatasy jumysynyń nátıjeleri týraly jan-jaqty habardar etti.
Rashıt Ákimov aýdandyq máslıhat hatshysymen jáne depýtattarmen kezdesý barysynda qazirgi kezde Parlament palatasynyń qaraýynda 80-nen astam zań jobasy bar ekenin atap ótti. Olardyń qatarynda elimizdiń orman qoryn qorǵaýǵa baǵyttalǵan qujattar da bar. О́zekti máselelerdiń qatarynda órtke qarsy jáne aǵashtardyń zańsyz kesilýine qarsy sharalar ǵana emes, orman aımaqtarynda mal jaıý, ormandy óz maqsatynda paıdalanbaý, orman qoryna jatatyn jerlerdiń qatarynda aýyl sharýashylyǵy maqsatyndaǵy jer de bar. Soǵan baılanysty ormandy saqtaý ǵana emes, onyń aýmaǵyn keńeıtý maqsatynda ormandy qorǵaýdy zańmen retteý jumystaryn júzege asyrýǵa týra keledi.
Senator Astrahan aýdany, Qyzyljar aýylyndaǵy jóndeýden ótken klýbta, «Yrysty-Astyq» astyq jınaý mekemesinde, «Fedorenko IK» jáne «Fermer-2002» seriktestikterinde boldy.