Elordalyq balalar alǵash ret qutqarýshy, órt sóndirýshi, qurylysshy, bank qyzmetkeri, muǵalim syndy ózge de túrli mamandyqta (100 mamyndyq boıynsha) rólge enip, ózderin synap, kóre alady.
Bul týraly baspasóz konferensııasy barysynda «Mamandyqtar qalasy» biregeı balalar halyqaralyq jobasynyń avtory Tatıana Lıýlka aıtyp berdi.
19 tamyzda saǵat 11.00-den 16.00-ge deıin «Araı» saıabaǵynda alǵash ret balalardyń qaı mamandyqqa ıekemi bar ekenin anyqtaýǵa baǵyttalǵan «Mamandyqtar qalasy» biregeı balalar halyqaralyq jobasy ótedi.
Jobaǵa 2-18 jas aralyǵyndaǵy búldirshinder men jastar qatysa alady. Qatysý tegin.
Jobany Astanada ótkizý ıdeıasyna qoldaý bildirdi.
- Ár bala ózin túrli mamandyqta synap kórý kerek. Bıyl qalada 100-ge jýyq mamandyq tájirıbe úshin usynylady. Jobaǵa memlekettik uıymdardan bastap bıznes ókilderine deıin qatysady. Memlekettik uıymdardyń qatarynda – TJD, IID jáne qala basqarmasy, sáýlet, densaýlyq saqtaý, bilim jáne basqa da basqarmalar bar,- dedi Astana qalasynyń kásipkerlik jáne ónerkásip basqarmasynyń basshysy Rysgúl Qaýǵabaeva.
Jobada qarastyrylǵandaı, saıabaqta bir kúnge ınteraktıvti qalashyq ornalastyrylady. Saıabaqqa kirýde ár búldirshin eńbek kitapshasy bolyp tabylatyn qujatqa ıe bolady, ári qaraı «jumysqa ornalasý» sıýjet kórsetiledi. Bir kún ishinde elordalyq balǵyndar eresekterdiń keıpine enip, mamandyqqa beıimdelip, aqshany «ózdiginen» tabýdy úırenedi. Kishkentaı «qyzmetkerler» túrli sývenırler men táttiler dúkeninde óziniń qalaǵanyn satyp ala alatyn qarjy - «jalaqy» alady. Ol dúken «Mamandyqtar qalasy» aýmaǵynda ornalasqan.
Bul joba balalardyń ıekemin, mashyǵyn túsinýge, qabiletterin anyqtaýǵa arnalǵan joba. Ke kezderi ata-analar ózderiniń balalarynyń qabiletin baǵalamaı jatady, tipti bilmeı de jatady. Erkindik bermeıdi. Bul joba óz aldyna balalardyń qabiletin anyqtaýda taptyrmas múmkindik, - dedi joba avtory.
- Astana ákimdigi jobaǵa qoldaý bildirýge tez áreket etti, jaýap berdi. Biz ákimdikke ózimizdiń usynysymyz jaıly hat jiberdik, 5 kún ishinde jaýap berdi, Ýkraında júrgen edim, sizdiń jobańyzǵa qoldaý bildiremiz, qashan kele alasyz dep surady. Bul jobany Astana qalasynda 1 aıdyń ishinde uıymdastyrdyq. Astanada baqytty balalardyń qatary artqanyn qalaımyn, ár bala óziniń qalaǵan isimen aınalysqanyn qalaımyn, - dedi joba avtory Tatıana Lıýlka.
Jobanyń bas seriktesi - «BIGroup» kompanııasy. Kompanııa óz aldyna qajetti qural-jabdyqtardy, mamandandyrylǵan tehnıkany usynady.
Qalalyq ákimdiktiń statıstıkalyq málimeti boıynsha, Astanada shamamen 200 000 bala tirkelgen, uıymdastyrýshylar solardyń 1 paıyzyn bolsyn qamtýdy josparlap otyr.
Aıta keteıik, 2016 jyly atalmysh joba Ýkraınanyń 25 qalasynda ótkizildi, oǵan 300 myńnan astam bala qatysty.