Otyrys barysynda sarapshylardyń qazaq tilin latyn álipbıine kóshirý jobasy boıynsha tıisti jumys toby osy kúzde jańa álipbıdiń nusqasyn qaraýǵa usynatyny, «Qazaq tilindegi 100 jańa oqýlyq» jobasy aıasynda gýmanıtarlyq pánder boıynsha 17 oqýlyqtyń tizimi jasalyp, aýdaryla bastaǵany, «Qazaqstannyń kıeli jerleriniń geografııasy» jobasy aıasynda respýblıkalyq deńgeıdegi 100, óńirlik deńgeıdegi 500 nysannyń tańdap alynǵany belgili boldy. Sondaı-aq, «Jahandaǵy zamanaýı qazaqstandyq mádenıet» jobasy boıynsha úzdik týyndylardyń tizimi jasalǵan. Oǵan ádebıet salasyndaǵy 216, «tetar, kıno jáne horeografııa» janrynda 48, beıneleý óneri boıynsha 182, mýzyka salasynda 200-den astam shyǵarma engizilgen. Al, «Qazaqstandaǵy 100 jańa esim» jobasyna respýblıka boıynsha 1500 ótinim túsken, biraq olar ashyq daýys berý nátıjesinde anyqtalatyn bolady.
Muhtar MANKEEV, «Qazaqstan-2050» jalpyulttyq qozǵalysy keńesiniń tóraǵasy:
– Bizdiń qozǵalys tarapynan birneshe jobalar júzege asýda. Onyń birinshisi – latyn álipbıine kóshirý jobasyn qoldaý boıynsha kórme ótkizý. Bul baǵytta eki kórme ótkizdik. О́tken ǵasyrda elimizde latyn álipbıiniń dáýreni júrip turǵan kezde shyqqan 1500 kitapty taptyq. Jyldyń sońyna deıin kórmeni barlyq óńirde ótkizýdi josparlap otyrmyz. Ekinshi, rýhanı jańǵyrý aıasynda jobalar reestri degen bar. Sonyń qatarynda kraýdsorsıng.kz degen aýqymdy joba bar. Bul pılottyq joba Batys Qazaqstan oblysynyń Oral qalasynda bastalýda. Basty maqsaty – jergilikti atqarýshy organdar men qoǵamnyń arasyndaǵy kommýnıkasııalyq kedergilerdi joıý. Qazir bılik tarapynan kóptegen jaqsy bastamalar kóterilip, óńirlerdi damytýǵa arnalǵan jaqsy baǵdarlamalar shyǵyp jatyr. Biraq, qoǵammen, ıaǵnı, halyqpen sóılesken kezde olardyń 70-80 paıyzy álgi baǵdarlamalar týraly, olardyń qandaı nátıjelerge jetkizetinin bilmeıdi eken. Sondyqtan, jergilikti atqarýshy organdar qandaı da bir jobany nemese baǵdarlamany veb-portalǵa jarııalap, halyqpen talqylasa degen ıdeıa aıttyq. Bul ıdeıamyz qoldaý tapty jáne rýhanı jańǵyrý baǵdarlamasy aıasynda iske asyrylatyn bolady. Iаǵnı, kraýdsorsıng.kz jobamyz baǵdarlamaǵa engizildi. Qazan aıynan bastap júzege asyryla bastaıdy, - dedi Ulttyq komıssııa múshesi.