BAQ ókilderi arasynda jyl saıyn ótkiziletin bul dodaǵa bıyl 22 komanda qatysýda. Solardyń qatarynda júldeli oryndarǵa úmit artyp otyrǵan ujymdardyń biri – «Egemen Qazaqstan» respýblıkalyq gazetiniń komandasy.
Seıdahmet Berdiqulov 1933 jyldyń 9 mamyrynda Almaty oblysy, Jambyl aýdanyndaǵy Qaraqastek qystaǵynda týǵan. Qazaqstandaǵy sport juldyzdarynyń jetistikterin nasıhattaýǵa eńbek sińirgen.
1956 jyly QazUÝ-dyń jýrnalıstıka fakýltetin bitirgen. 1965-1970 jyldary «Qazaqstan pıoneri» basylymynyń redaktory. 1970-1986 jyldary «Lenınshil jas» (qazirgi «Jas alash») gazetiniń redaktory, 1986-1994 jyldary «Jalyn», «Balaýsa» baspalarynyń dırektory bolǵan.
Aıta keteıik, qazaq sport jýrnalıstıkasynyń kórnekti ókili Seıdahmet Berdiqulovty eske alýǵa arnalǵan shaǵyn fýtbol týrnıri bıyl osymen 20-shy ret uıymdastyrylyp otyr.