Qazaqstan Respýblıkasy Munaı jáne gaz mınıstrligi
2011 jylǵy 25 tamyz №149 Astana qalasy
Qazaqstan Respýblıkasy Ekonomıkalyq damý jáne saýda mınıstrligi
2011 jylǵy 31 tamyz №272 Astana qalasy
BIRLESKEN BUIRYQ
Munaı operasııalaryn júrgizý salasyndaǵy jeke kásipkerlik sýbektileriniń táýekel dárejesin baǵalaý ólshemderin bekitý týraly «Qazaqstan Respýblıkasyndaǵy memlekettik baqylaý jáne qadaǵalaý týraly» 2011 jylǵy 6 qańtardaǵy Qazaqstan Respýblıkasy Zańynyń 13-babyna sáıkes buıyramyz: 1. Qosa berilip otyrǵan Munaı operasııalaryn júrgizý salasyndaǵy jeke kásipkerlik sýbektileriniń táýekel dárejesin baǵalaý ólshemderi bekitilsin. 2. Qazaqstan Respýblıkasy Munaı jáne gaz mınıstrliginiń Munaı-gaz keshenindegi memlekettik ınspeksııalaý komıteti (T.A.Momyshev): 1) osy buıryqty Qazaqstan Respýblıkasynyń Ádilet mınıstrliginde memlekettik tirkeýdi; 2) osy buıryqty Qazaqstan Respýblıkasynyń Ádilet mınıstrliginde memlekettik tirkeýden keıin resmı jarııalaýdy; 3) osy buıryqty Qazaqstan Respýblıkasy Munaı jáne gaz mınıstrliginiń ınternet-resýrsyna ornalastyrýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Munaı jáne gaz vıse-mınıstri L.K.Kıınovqa júktelsin. 4. Osy buıryq memlekettik tirkelgen kúninen bastap kúshine enedi jáne ol alǵashqy resmı jarııalaǵannan keıin 10 kúntizbelik kún ótken soń qoldanysqa engiziledi. Qazaqstan Respýblıkasynyń Munaı jáne gaz mınıstri ________________ S. MYŃBAEV. Qazaqstan Respýblıkasynyń Ekonomıkalyq damý jáne saýda mınıstriniń mindetin atqarýshy __________________ D. ShÁJENOVA.Qazaqstan Respýblıkasy Munaı jáne gaz mınıstrliginiń 2011 jylǵy 25 tamyzdaǵy №149 jáne Qazaqstan Respýblıkasy Ekonomıkalyq damý jáne saýda mınıstri mindetin atqarýshynyń 2011 jylǵy 31 tamyzdaǵy №272 birlesken buıryǵymen bekitildi
Munaı operasııalaryn júrgizý salasyndaǵy jeke kásipkerlik sýbektileriniń táýekel dárejesin baǵalaý ólshemderi
1. Osy, munaı operasııalaryn júrgizý salasyndaǵy jeke kásipkerlik sýbektileriniń táýekel dárejesin baǵalaý ólshemderi (budan ári – ólshemder) munaı operasııalaryn júrgizý salasyndaǵy jeke kásipkerlik sýbektilerin táýekel dárejesine jatqyzý úshin «Qazaqstan Respýblıkasyndaǵy memlekettik baqylaý jáne qadaǵalaý týraly», «Jer qoınaýy jáne jer qoınaýyn paıdalanýshylar týraly», «Lısenzııalaý týraly» Qazaqstan Respýblıkasynyń zańdaryna sáıkes ázirlendi. 2. О́lshemderde mynadaı uǵymdar qoldanylady: 1) táýekel – tekseriletin sýbektiniń qyzmeti nátıjesinde saldarynyń aýyrlyq dárejesi eskerile otyryp, adamnyń ómirine nemese densaýlyǵyna, qorshaǵan ortaǵa, jeke jáne zańdy tulǵalardyń zańdy múddelerine, memlekettiń múliktik múddelerine zııan keltirý yqtımaldyǵy; 2) táýekelderdi baǵalaý júıesi – baqylaýdy jáne qadaǵalaýdy júzege asyratyn organnyń tekserýlerdi josparlaý maqsatynda júrgizetin is-sharalar kesheni; 3) táýekel dárejesin baǵalaý ólshemderi – tekseriletin sýbektiniń tikeleı qyzmetimen, salalyq damý erekshelikterimen jáne osy damýǵa áser etetin faktorlarmen baılanysty, tekseriletin sýbektilerdi ártúrli táýekel dárejesine jatqyzýǵa múmkindik beretin sandyq jáne sapalyq kórsetkishterdiń jıyntyǵy; 4) tekseriletin sýbekti – qyzmet túrine lısenzııasy bar, lısenzııalaý jáne keıingi lısenzııalyq tekserý Qazaqstan Respýblıkasynyń Munaı jáne gaz mınıstriniń vedomstvosymen júrgiziletin, sondaı-aq jer qoınaýyn paıdalaný operasııasy júzege asyrylatyn munaı operasııalaryn júrgizý salasyndaǵy qyzmetine baqylaýdy jáne qadaǵalaýdy júzege asyratyn jeke jáne zańdy tulǵalar. 3. Josparly tekserýler júrgizýdiń merzimi táýekel dárejesine baılanysty: joǵary táýekel dárejesi kezinde – jylyna bir retten; ortasha táýekel dárejesi kezinde – úsh jylda bir retten; bolmashy táýekel dárejesi kezinde – bes jylda bir retten jıi bolmaıtyn kezeńdiligi aıqyndalady. 4. Táýekel dárejesin baǵalaý ólshemderi 2 túrge bólinedi: 1) obektıvti – tekseriletin sýbektiler qyzmet atqarǵan kezde múmkin bolatyn táýekelderdiń mańyzdylyǵyna negizdelgen; 2) sýbektıvti – tekseriletin sýbektilermen belgilengen talaptardy buzýǵa jol berilgendigine baılanysty anyqtalady. Sýbektıvti ólshemder eleýli jáne bolmashy buzýshylyqtardan turady. 5. Alǵash ret tekseriletin sýbektilerdi táýekel dárejesine jatqyzý obektıvti ólshemder negizinde júzege asyrylady. 6. Tekseriletin sýbektiler obektıvti ólshemder boıynsha mynadaı táýekel toptaryna bólinedi: 1) joǵary táýekel dárejesi tobyna munaı, gaz, munaı-gaz kondensatyn óndirýshi, sondaı aq kezekti lısenzııalanatyn qyzmet túrleri men qyzmettiń kishi túrlerin júrgizetin jeke jáne zańdy tulǵalar jatady: taý, munaı-hımııa óndirisin paıdalaný: gaz, munaı-gaz kondensatyn óndirýshi; shahtalardy jabý jónindegi joıý jumystary (munaı-gaz kenoryndarynda»; ken oryndarynda (munaı, gaz, munaıgazkondensaty) tehnologııalyq jumytsardy júrgizý; munaı, gaz uńǵymalaryndaǵy karotaj jumystary; munaı, gaz uńǵymalaryndaǵy atqylaý-jarý jumystary; munaı, gaz uńǵymalaryn, onyń ishinde teńizde jáne ishki sý aıdyndarynda burǵylaý; uńǵymalardy jer astynda jáne kúrdeli jóndeý, jabdyq pen agregattardy bólshekteý, munaı-gaz uńǵymalarynda uńǵymalar kótergish ornatý; munaı-gaz uńǵymalarynda uńǵymalardy jýý, sementteý, synap kórý jáne ıgerý; munaı qabattarynyń munaı berýin arttyrý jáne uńǵymalardyń ónimdiligin ulǵaıtý; qurlyqta jáne teńizde munaı tógilýiniń, uńǵymalardyń ózdiginen atqylaýynyń, munaı jáne gaz shyǵaryndylarynyń (burqaqqa qarsy jumystardy qospaǵanda) aldyn alý jáne olardy joıý jónindegi jumystar, uńǵymalardy toqtatyp qoıý; organıkalyq hımııa (munaı, gaz, munaı-gaz kondensaty); kaýchýk, shına, rezeńke-tehnıka ónerkásibiniń, tehnıkalyq kómirteginiń, hımııalyq talshyqtardyń, polımerlik materıaldar men plastmassanyń ónimderin paıdalanýy; quramynda munaı bar qaldyqtardy qaıta óńdeý. 2) ortasha táýekel dárejesi tobyna barlaý, sondaı-aq kelesi lısenzııalanatyn qyzmet túrleri men qyzmettiń kishi túrlerin júrgizetin jeke jáne zańdy tulǵalar jatady: munaı-gaz salasynda burǵylaý, munaı-gaz kásipshiligi, geologııalyq barlaý (munaı-gaz ken oryndarynda), jarylystan qorǵalǵan elektr tehnıkalyq jabdyqty (munaı-gaz ken oryndaryn), kótergish qurylystardy, sondaı-aq jumys qysymy 0,7 kg/sm -den joǵary jáne jylý jetkizý temperatýrasy 115oS joǵary qazandyqtardy, 0,7 kg/sm2-den joǵary qysymmen jumys isteıtin saýyttar men qubyrjoldardy jobalaý, daıyndaý, montajdaý, jóndeý: daıyndaý (tutas jabdyqty, jekelegen elementterdi, túıinderdi, bólshekterdi, bólikterdi, bloktardy, qosalqy qurylǵylardy); montajdaý (qurylystardy, konstrýksııalardy, tehnologııalyq jabdyqty, agregattardy, mashınalardy, apparattardy, aspaptar men daıyn bólshekterden, túıinderden, elementterden jasalǵan basqa qurylǵylardy óndiristi, obektini paıdalaný kezeńinde qurastyrý, retteý jáne ornatý); jóndeý (tehnıkalyq qurylǵynyń jaı-kúıiniń dıagnostıkasy, onyń daıyndyǵyn nemese jumys qabiletin qalpyna keltirý, elementterin aýystyrý, buzylǵan jerlerin jóndeý, joıý). 3) bolmashy táýekel dárejesine mynadaı lısenzııalanatyn qyzmet túrleri men qyzmettiń kishi túrlerin júrgizetin lısenzıattar jatady: taý-ken, munaı-hımııa óndiristerin jobalaý, munaı-gaz óńdeý óndiristerin (tehnologııalyq) jobalaý; taý ken óndirisin (tehnologııalyq) jobalaý; munaı, gaz, munaıgazkondensatyn óndirýdi jobalaý; munaı-gaz kenoryndaryn ıgerýge tehnologııalyq reglamentter men jobalardy jasaý; munaı-gaz kenoryndaryn ıgerýge tehnıkalyq ekonomıkalyq negizdemeler jasaý; Qazaqstan Respýblıkasynda qoldanýǵa engiziletin basqa memleketter aýmaǵynda oryndalǵan munaı-gaz óndirýshi, munaı-hımııa óndirisi, jer qoınaýy (munaı, gaz, munaıgazkondensaty) salasyndaǵy jobalaý jáne jobalyq-smetalyq qujattardyń saraptamasy; munaı-gaz óndeý óndirisin (tehnologııalyq) jobalaý; munaıdy alǵashqy jáne tereń óndeý ónimderi; oktan sanyn arttyrý maqsatynda kompaýndırleý, taýarlyq benzınderge qosyndylar, qospalar jáne quramdaýyshtar engizý; belgilengen sıpattaǵy benzın alý maqsatynda kompaýndırleý, kondısııalyq emes munaı ónimderine qosyndylar, qospalar men quramdaýyshtar engizý jónindegi; dızel otynyna, mazýtqa qosyndylar men qospalar engizý jónindegi; munaı maılaryna qosyndylar engizý; Munaı-gaz salasynda burǵylaý, munaı-gaz kásipshiligi, geologııalyq barlaý (munaı-gaz ken oryndarynda), jarylystan qorǵalǵan elektr tehnıkalyq jabdyqty (munaı-gaz ken oryndaryn), kótergish qurylystardy, sondaı-aq jumys qysymy 0,7 kg/sm -den joǵary jáne jylý jetkizý temperatýrasy 115oS joǵary qazandyqtardy, 0,7 kg/sm2-den joǵary qysymmen jumys isteıtin saýyttar men qubyrjoldardy jobalaý: jobalaý (jabdyq daıyndaý úshin qajetti tehnıkalyq-ekonomıkalyq negizdemeni, esepterdi, syzbalardy, maketterdi, smetalardy, túsindirme jazbalardy qamtıtyn keshendi tehnıkalyq, konstrýktorlyq-tehnologııalyq qujattamany ázirleý). 7. Tekseriletin sýbektilerdi táýekel dárejesine qaıtadan jatqyzý sýbektıvti ólshemderdi esker otyryp júzege asyrylady. 8. Eleýli buzýshylyqtarǵa: 1) merziminde lısenzııalanatyn qyzmet jónindegi esepti usynbaý; 2) kórsetiletin qyzmetke biliktilik talaptaryna sáıkes talap etiletin menshik nemese jalgerlik (jalgerlik sharty) quqyǵyndaǵy óndiristik bazanyń (menshik quqyǵyn rastaıtyn, quqyq belgileıtin qujattardyń kóshirmeleri) bolmaýy; 3) kórsetiletin qyzmetke biliktilik talaptaryna sáıkes talap etiletin sáıkes qurylǵynyń, mehanızmderdiń, quraldardyń, tehnologııalyq qurylǵylardyń bolmaýy; 4) kórsetiletin qyzmetke biliktilik talaptaryna sáıkes talap etiletin avarııalardy joıý josparynyń bolmaýy; 5) kórsetiletin qyzmetke biliktilik talaptaryna sáıkes talap etiletin tıisti bilim berý deńgeıine jaýap beretin jáne mamandyǵy boıynsha is júzindegi jumys tájirıbesi bar tehnıkalyq basshylar men mamandardyń bilikti quramynyń bolmaýy; 6) lısenzııaǵa qosymshada kórsetilmegen lısenzııalanatyn qyzmettiń kishi túrlerin júrgizý; 7) ken ornyn barlaý, synamaly ıgerý, óndiristik jáne tájirıbelik-óndiristik ıgerý, uńǵymalardy, qajetti kásipshilik obektilerdi jáne kómirsýtekterin óndirý, daıyndaý jáne saqtaýǵa qajetti basqa da obektilerdiń jobalaý qujattarynyń bolmaýy, sol sııaqty bekitilgen jobalyq qujattardyń talaptaryn buzýy; 8) Qazaqstan Respýblıkasy Úkimetiniń 2011 jylǵy 10 aqpandaǵy № 123 qaýlysymen bekitilgen paıdaly qazbalardy barlaý men óndirý kezinde jer qoınaýyn utymdy ári keshendi paıdalaný jónindegi biryńǵaı qaǵıdanyń talaptaryn buzý; 9) uńǵymalar obektilerin synaý, ken ornyn synamaly ıgerý kezinde, gazdy tehnologııalyq eriksiz jaǵý kezinde munaı-gaz salasyndaǵy ýákiletti organnyń ruqsatynsyz ilespe jáne (nemese) tabıǵı gazdy jaǵý; 10) munaı-gaz ken orynyn óndiristik ıgerýdi ilespe jáne (nemese) tabıǵı gazdy óńdeýsiz júrgizý; 11) teńizde jáne ishki sý aıdyndarynda munaı operasııalaryn júrgizýdiń jalpy sharttaryn buzý; 12) munaı operasııalaryn júrgizý kezindegi jer qoınaýyn paıdalanýshy qoldanatyn qurylǵynyń nemese basqa da múliktiń tehnıkalyq reglamentterge sáıkes kelmeýi; 13) ken oryndaryn biryńǵaı obekt retinde barlaýdyń nemese óndirýdiń talaptaryn buzý; 14) quzyretti organnyń jazbasha ruqsatynsyz izdeý, barlaý, paıdalaný uńǵymalaryn nemese ózge de uńǵymany (tyǵyndaý uńǵymasyn burǵylaýdy qospaǵanda) burǵylaý, qat ishindegi qysymdy ustap turý úshin ilespe jáne tabıǵı gazdy aıdaý, teńizde munaı-gaz qubyrlaryn salý, montajdaý nemese tartý, teńiz qurylystaryn salý jónindegi jumystardy júrgizý; 15) ýaqytsha saqtaýdy qospaǵanda, teńiz qurylystaryndaǵy munaıdy saqtaý men qoımada ustaý jatady. 9. Bolmashy buzýshylyqtarǵa: 1) kórsetiletin qyzmettiń biliktilik talaptaryna sáıkes talap etiletin tehnologııalyq reglamentterdiń bolmaýy nemese tehnologııalyq reglamenttiń kásiporyn basshysymen bekitilmeýi, oryndalatyn qyzmettiń kishi túrlerine sáıkes kelmeýi; 2) kórsetiletin qyzmettiń biliktilik talaptaryna sáıkestigi talap etiletin tıisti tehnıkalyq qujattyń bolmaýy; 3) kórsetiletin qyzmettiń biliktilik talaptaryna sáıkestigi talap etiletin ónim sapasynyń standarttarǵa, normalarǵa jáne tehnıkalyq sharttarǵa sáıkestigin baqylaıtyn akkredıttelgen zerthananyń (nemese qyzmet kórsetýge arnalǵan sharttyń) bolmaýy; 4) Mashınalardy, mehanızmderdi, aspaptardy, jabdyqtardy paıdalaný men tehnıkalyq qyzmet kórsetýdi; eńbek qaýipsizdigin baqylaýdy; metrologııalyq baqylaýdy qamtamasyz etetin qyzmetterdiń bolmaýy; 5) munaı jáne gaz salasyndaǵy ýákiletti organ bekitken jáne jer qoınaýyn zertteý men paıdalaný jónindegi, qorshaǵan ortany qorǵaý salasyndaǵy ýákiletti organdarmen kelisilgen ilespe gazdy óńdeýdi damytý baǵdarlamasynyń bolmaýy; 6) ilespe gazdy óńdeýdi damytý baǵdarlamasyn oryndaý jónindegi eseptilikti usynbaý; 7) quzyretti organnyń jazbasha ruqsatynsyz teńizde ǵylymı zertteýler júrgizý; 8) kelisim-sharttyq aımaqta óndirilgen munaıdy ólsheý men tarazylaý erejesin buzý. 10. Árbir jol berilgen buzýshylyq úshin tekseriletin sýbekt mynadaı ball ıelenedi: bir eleýli buzýshylyq úshin – eki ball; bir bolmashy buzýshylyq úshin – bir ball. 11. Tekseriletin sýbektiler sýbektıvti ólshemder boıynsha jol berilgen buzýshylyqtyń túri men sanyna baılanysty bólinedi. Tekserý qorytyndysy boıynsha tekseriletin sýbektiniń jınaǵan balldary qosylady. Tekserý kezeńinde 4 baldan joǵary jınaǵan bolmashy táýekel tobyna jatqyzylǵan sýbektiler tekseriletin ortasha táýekel tobyna jatqyzylady. Tekserý kezeńinde 4 baldan joǵary jınaǵan ortasha táýekel tobyna jatqyzylǵan sýbektiler tekseriletin joǵary táýekel tobyna jatqyzylady. Tekserý kezeńinde joǵary toptaǵy táýekel dárejesindegi sýbektiler tekseriletin 2 baldan kóp jınamasa ortasha táýekel dárejesine aýystyrylady. Tekserý kezeńinde ortasha táýekel dárejesindegi tekseriletin sýbektiler 3 baldan kóp jınamasa bolmashy táýekel dárejesine aýystyrylady. 12. Bir toptyń ishindegi tekseriletin sýbektiler tekserý josparyna: tekserýdiń eń sońǵy merzimi; sońǵy tekserý kezinde anyqtalǵan buzýshylyqtar sany boıynsha engiziledi. Buıryq Qazaqstan Respýblıkasynyń Ádilet mınıstrliginde 2011 jylǵy 12 qyrkúıekte Normatıvtik quqyqtyq kesimderdi memlekettik tirkeýdiń tizilimine №7177 bolyp engizildi.