Búgin Úkimet úıinde QR Premer-Mınıstri Baqytjan Saǵyntaevtyń tóraǵalyǵymen QR Úkimeti janyndaǵy Joǵary ǵylymı-tehnıkalyq komıssııanyń (JǴTK) kezekti otyrysy ótti.
Otyrys barysynda qazirgi kezdegi ǵylymdy damytýdyń basymdyqty baǵyttary, sondaı-aq ǵylymdy odan ári qarjylandyrý máseleleri men elimizde farmasevtıkalyq klasterdi damytý maqsatynda ázirlengen QR BǴM-niń «2018-2020 jyldarǵa arnalǵan Biregeı dári-dármekterdi ázirleý men olardy zertteý nátıjelerin kommersııalandyrý» baǵdarlamasynyń ǵylymı-tehnıkalyq jobasy talqylandy.
Eske sala keteıik, Úkimet janyndaǵy Joǵary ǵylymı-tehnıkalyq komıssııa QR Úkimetiniń qaýlysymen 2011 jylǵy 20 sáýirde qurylǵan jáne ol – QR Úkimeti janyndaǵy konsýltatıvtik-keńesshi organ. JǴTK otyrystary qajettiligine baılanysty jylyna kem degende eki ret ótkiziledi.