Birinshi oryndy Kókshetaýdan kelgen, ulttyq naqyshta úsh tildi uıaly qosymsha-oıyn jasap shyǵarǵan Insaaı komandasy jeńip aldy. «Sezimderimizdi bıleı almaı turmyz. «Insaaı» dep ataǵanyn estigenimizde óz qulaǵymyzǵa ózimiz sene almadyq. Bir-birimizge qaradyq, sodan soń ǵana bizdi aıtyp jatqanyn túsindik», - dep jeńimpaz Áıgerim Saǵyndyqova alǵan áserimen bólisti. Úzdik úshtikke, sondaı-aq, QamCare qosymshasymen Flash komandasy jáne 3D Alippe qosymshasyn jasap shyǵarǵan komanda kirdi.
Ádil qazylar alqasynda IýNISEF ókiliniń orynbasary Fıakra Makeısı, IýNISEF-tiń jahandyq ınnovasııalyq qorynyń venchýr menedjeri Krıs Fabıan, Urban Forum Almaty negizin qalaýshy Ásel Esjanova, Google.org aımaqtyq basshysy Hektor Mýhıka, Project Connect uıymy basqarmasynyń tóraǵasy Sara Djeıkobs, Halyqaralyq aqparattyq tehnologııalar ýnıversıtetiniń professory Beıbit Ámirǵalıev jáne AUA Group ókili Anel Moldahmetova boldy.
Jeńimpazdardy marapattap jatqanda Qazaqstanday IýNISEF О́kili Iýrıı Oksamıtnyı: «Áleýmettik jaýapkershiliktiń osynshalyq joǵary deńgeıi meni qatty qýantty – ár qosymshanyń naqty mán-mańyzy bar jáne qoǵamdy burynǵydan da jaqsyraq etýge baǵyttalǵan» dep atap ótti.
Hakaton IýNISEF-tiń balalardyń quqyqtaryn ınnovasııalar arqyly damytý sharasy sheńberinde ótkizildi. Sondaı-aq qalalarǵa qatysty sheshimder oılap tabýǵa arnaldy. Eki kúndik shara tehnologııalyq ınnovasııalar, ǵylym áleminiń, Qazaqstannyń jáne ózge elderdiń beıúkimettik jáne memlekettik sektorlarynyń sarapshylarynyń basyn biriktirdi.