«Qazaqstan Respýblıkasynyń Ulttyq Banki bazalyq mólsherlemeni +/-1% dálizben 10,25%-ǵa deıin tómendetýge sheshim qabyldady. Jyldyq ınflıasııa baıaýlap, nysanaly dálizde tur. Al onyń tómendeýi Ulttyq Banktiń boljamdyq baǵalaýlaryna sáıkes keledi», - dedi Ulttyq bankten. Inflıasııalyq kútýlerdiń turaqty deńgeıi, shıkizat naryqtaryndaǵy ahýaldyń turaqtanýy, sol sııaqty orta merzimdi kezeńdegi ınflıasııa deńgeıiniń odan ári tómendeýi aqsha-kredıt talaptarynyń jumsarýyna sebep boldy. Bul rette Ulttyq Bank, syrtqy jaǵdaılardyń qubylmalylyǵyn nazarǵa ala otyryp, bazalyq mólsherlemeni qysqa merzimdi kezeńde odan ári tómendetý perspektıvalaryna qatysty baǵany qaıta qarady.
Bank ókilderiniń aıtýynsha, bazalyq mólsherleme boıynsha sheshim mynadaı faktorlardy eskere otyryp qabyldandy.
«2017 jylǵy shildede jyldyq ınflıasııa azyq-túlik naryqtarynda baǵanyń tómendeýiniń yqpalymen 7,1%-ǵa deıin baıaýlady ári nysanaly dálizdiń ortasynda tur. Sondaı-aq, bazalyq ınflıasııa jyldyq kórsetýde tómendeýin jalǵastyrýda. Halyqtyń ınflıasııalyq kútýleri ornyqty bolyp qalýda. Inflıasııa kórsetkishi 1 jyl buryn 6,4% bolǵan edi, sondaı-aq 2018 jylǵa arnalǵan nysanaly dáliz sheginde qalyp otyr. Ekonomıkalyq belsendilik qalpyna kelýdi jalǵastyrýda, ishki tutyný jáne ınvestısııalyq suranys serpininde oń úrdister saqtalýda. Ekonomıka jańǵyrǵanyn saýda, halyqty eńbekpen qamtý boıynsha jáne syrtqy suranys kórsetkishteri boıynsha derekter rastaıdy. Sonymen birge, naqty eńbekaqynyń teris serpini ınflıasııalyq táýekelderdi shekteıdi. Halyqty kredıtteýdiń birtindep ósýi tutynýshylyq suranysqa qoldaý kórsetýde. Alaıda tutynýshylyq kredıtteýdiń budan ári ósýi jeke tulǵalarǵa arnalǵan paıyzdyq mólsherlemelerdiń serpinine baılanysty bolady. Olar qazirgi kezde barynsha joǵary deńgeıde saqtalýda. Sondaı-aq, shıkizat naryǵyndaǵy ahýaldyń turaqtanǵany yqpal etip otyr», - dedi bankten.
Bazalyq mólsherleme boıynsha kezekti sheshim 2017 jylǵy 9 qazanda Astana ýaqyty boıynsha saǵat 17:00-de jarııalanatyn bolady.