«Etek-jeńimizdi jınap, ekonomıkamyzdy jóndep, qarajat jınaǵannan keıin bul máselege (týrızmdi damytýǵa) de keldik. Oǵan deıin oryssha aıtqanda «ne do etogo» boldy. Aldymen eldiń jaǵdaıyn túzep, elge jumys berip, ekonomıkamyzdy kóterý kerek boldy. Endi bul salaǵa da jaqyndadyq, qolǵa alatyn kez keldi. Dúnıejúzinde týrızm barlyq álemdik ekonomıkanyń 10 paıyzyn quraıdy. Bul óte úlken kólem. Bizde áli óte az. Mysaly biz 2025 jylǵa deıin ekonomıkamyzdyń 8 paıyzyn týrızmnen alamyz dep otyrmyz. Ol úshin óte kóp jumys isteý kerek. Rýhanı jańǵyrý, ekonomıkamyzdy túzeý, ınfraqurylym, «Nurly jol» - barlyǵy osyǵan baılanysty. Qazaqstanda kóretin jerler, baratyn jerler kóp. Dalanyń ózi, taýdyń ózi basqa elder úshin óte qyzyqty. Kórsete bilýimiz kerek. Myna júrgizip jatqan «Nurly jol» baǵdarlamasynyń maǵynasyn qazaq áli túsingen joq. Biz tarıhymyzda, esh ýaqytta ulan-ǵaıyr jerimizde mundaı joldar salǵanymyz joq. Mysaly ońtústiktiń azamattary mundaı dańǵyl jolmen ómir baqı júrip kórdi me? Qazir Shymkentten Almatyǵa kelý, Shymkentten Aqtóbege jetý kózdi ashyp-jumǵansha. Astana men Býrabaıdyń arasyndaǵydaı joldar salyndy. Ol jol - Qytaıdyń shekarasynan Almatyny, Jambyldy, Ońtústik Qazaqstandy, Qyzylordany, Aqtóbeni basyp ótip, Reseıge shyqty, 2700 shaqyrym», - dedi Elbasy.
Osy rette Memleket basshysy «Nurly jol» baǵdarlamasy aıasynda Astanadan kúnniń sáýlesindeı barlyq óńirge joldar salynyp jatqanyn atap ótti.
«Ony aqparat quraldarynan ár ýaqytta kórsetip otyrý kerek dep ylǵı aıtamyn. Bul urpaqtan-urpaqqa jetetin másele. Eldiń ishki ekonomıkasy damý úshin qarym-qatynas bolý kerek, ol jyldam bolýy tıis. Talgo poıyzy júre bastaǵan kezge deıin Astanadan Almatyǵa 26 saǵat júretin edik, qazir 11 saǵatta jetemiz. Astanadan Pavlodar, Pavlodardan Semeıge, Semeıden О́skemenge deıin jol salynyp jatyr. Astanadan Qaraǵandyǵa deıin jol tústi. Qaraǵandydan Almatyǵa deıin jetkizemiz. Astanadan Qostanaı arqyly Aqtóbege, Aqtóbeden Atyraýǵa salamyz. Salynyp jatqan ishki joldardy aıtyp otyrǵanym joq. Oraldan tómen qaraı jol túsedi. Sonda eldiń elordasy búkil Qazaqstan jerimen baılanysta bolady. Ol jolaýshylardyń jol júrýine paıdaly ekeni ras. Jańaǵy aıtyp otyrǵan týrızmdi damytýdyń negizgi sharty - osy. Eger kelgen adamdar Qazaqstandy sharlap júre alatyn bolsa, mynadaı jolmen júrýdiń ózi qandaı rahat. Qandaı mashınań bolsa da, 150 shaqyrymmen júıtkip otyrasyń. Sol joldyń boıynda neshe túrli qonaqúıler, shaǵyn bıznes damıdy», - dedi QR Prezıdenti.
Elbasy nebári 2 jyldyń ishinde Qytaıdan - Kaspıı teńizine deıin temirjol salynǵanyn da eske salyp ótti.
«Jurt baıqamaı da qaldy. Biz eki jyldyń ishinde Qytaıdan bastap Jezqazǵan arqyly Kaspııge deıin 1500 shaqyrym temirjol saldyq. Keńes odaǵynda BAM dep búkil odaqqa shýyldatyp, komsomoldyq qurylys dep barlyǵyn jınady. Biz úndemesten-aq 1500 shaqyrym jol salyp tastadyq. Sol joldyń boıynda ıen dalada, betpaq dalada stansııalar, turǵyn úıler, aýyldar, tamaqtanatyn jerler, kólik toqtaıtyn jerler paıda boldy. Betpaq dalada ómir paıda boldy. Jol - ekonomıkany joǵary kóteretin eń kúrdeli másele. Bizdiń qazir salyp jatqan joldarymyz balalarymyzǵa, nemerelerimizge, shóberelerimizge jetedi», - dedi Nursultan Nazarbaev.
Qazaqstan Prezıdenti týrızmdi damytý úshin jol, ınfraqurylym, sapaly qyzmet qajet ekendigin atap ótip, olar durys jolǵa qoıylǵanda mol qarjy tabýǵa bolatynyn aıtty.
«Týrızm áýejaıdan, temirjol vokzalynan bastalady. О́zderińiz kórgen áýejaıdy saldyq. Úsh mıllıondyq áýejaıdy 8 mln. adam qabyldaıtyndaı jasadyq. Ol termınal dúnıejúzindegi eń úzdik tehnologııamen jabdyqtalǵan. Al temir jol vokzalynyń (Astananyń Nurly jol temir jol vokzaly) aýqymy Máskeýdegi Qyzyl alańmen birdeı. Sony kórgende «Qazaqstannyń mynadaı jaǵdaıy, múmkinshiligi bar, barýǵa bolady, kelgen qonaqtardy jaqsy qarsy alady, jatatyn jeri, kóretin dúnıesi bar eken» deıdi. Qazir Mádenıet jáne sport mınıstrliginiń ishinen arnaıy týrızm jóninde komıtet, kompanııa quryp, osy isti qolǵa alaıyq dep otyrmyz», dedi Memleket basshysy.