NATO Parlamenttik Assambleıasynyń jaqynda Býhareste (Rýmynııa) aıaqtalǵan jyl saıynǵy 57- sessııasynda halyqaralyq qaýipsizdik máseleleri sóz boldy, dep habarlady Qazaqstan Respýblıkasynyń Parlamenti Senatynyń baspasóz qyzmeti.
Kıber qylmystarmen, bıologııalyq jáne hımııalyq qaterlermen, resýrstar zárýligimen kúres taqyryby boıynsha pikirsaıystarǵa Qazaqstan Parlamentiniń depýtattary Rashıt Ahmetov pen Sát Toqpaqbaev qatysty.
Tórt arnaıy komıtettiń otyrystarynda NATO baǵdarlamalaryn iske asyrý, áskerı-tehnıkalyq qamtamasyz etý jáne Alıanstyń bıýdjet strategııasy máselelerine nazar aýdaryldy. Aýǵanstandaǵy ótpeli kezeńde qaýipsizdikti qamtamasyz etýdegi NATO-nyń róline de erekshe kóńil bólindi.