Elimiz órkendeýine tilektestik bildirdi

Jaqynda Chehııa Parlamenti Aýyl sharýashylyǵy komıtetiniń músheleri Májilis úıine keldi. Olar Qazaqstan Parlamenti Májilisiniń depýtattarymen júzdesti, dep habarlady osy palatanyń baspasóz qyzmeti. Qazaqstan Parlamenti Májilisiniń A­­g­rarlyq máseleler komıtetiniń tóraǵasy Romın Mádınov meımandarǵa elimiz týraly áńgimelep berdi. Qazaqstannyń agroóner­ká­sibi – el ekonomıkasynyń negizgi salasynyń biri. Ata-babalarymyz ejelden aýyl sharýa­shylyǵymen aınalysqan. Búgingi tańda jer betinde adam sanynyń ósýine oraı halyqty azyq-túlikpen qamtý ózekti máselelerdiń birine aınalyp kele jatqany anyq. «Qazaq­stan negizinen bıdaı ósiredi. Elimiz astyqty eks­porttaýda álem boıynsha aldyńǵy on­dyq­­qa kiredi. Jyl saıyn 20 mln. tonnadaı astyq óndiriledi, ishki suranystyń kólemi 8 mln. tonnadaı. Sondaı-aq Qazaqstan mal ósirý­de úl­ken áleýetke ıe. Asyl tuqymdy mal basyn ósirý maqsaty alǵa qoıyldy. Bizdiń komıtet agrarlyq salany damytýǵa baǵyttal­ǵan zań­dardy shyǵarýmen jáne jetildirýmen aı­­na­lysady», – dedi R.Mádınov. Májilistiń Halyqaralyq ister, qorǵanys jáne qaýipsizdik komıtetiniń hatshysy Vıktor Rogalev óz sózinde eki eldiń qarym-qatynasy jaqsy damyp kele jatqanyn tilge tıek etti. Aıtalyq, qos memlekettiń parlamentteri ara­synda yntymaqtastyq toby bar. Qazaqstan parlamentshileriniń 32-si atalǵan topqa múshe bolyp otyr. Zań shyǵarý isinde tájirıbe almasý úshin osyndaı kezdesýlerdiń mańyzy zor. «Sizder biz úshin aıryqsha kezeńde – Qa­zaq­stan táýelsizdiginiń 20 jyldyǵy qar­sa­ńyn­da kelip otyrsyzdar. Búgingi tańda eli­miz­diń barlyq óńiri Astanaǵa kelip, óz­deri­niń áleýmettik-ekonomıkalyq jáne mádenı jetistikterin kórsetip jatyr. Ýaqyt­tary­ńyz bolsa, ózderińiz de kóre alasyzdar», – dedi V.Rogalev. Meımandar tarapynan sóz alǵan Chehııa Parlamentiniń Aýyl sharýashylyǵy komı­teti­niń tóraǵasy Pavel Lýksha Qazaqstan men burynǵy Chehoslovakııa arasynda qa­lyp­tasqan dostyq baılanys bar ekenin aıt­ty. Osy dástúrdiń jalǵasatynyna senim bildirdi. Cheh Respýblıkasy – ónerkásiptik áleýeti joǵary el. Soǵan qaramastan, eldiń ekonomıkalyq damýynda aýyl sharýa­shy­lyǵy qaı kezde de basty ról atqaryp keledi. Aýyl sharýashylyǵy IJО́-niń 10-12 paıyzyn quraıdy. Meımandar Qazaq eliniń órkendeýine tilektestikterin bildirdi. Kezdesýge Májilis depýtattary Rozaqul Halmuradov, Uzaqqalı Eleýbaev jáne Azamat Tursynov qatysty.