Baıqaýdyń óte tartysty ótkenine qaramastan, 10 elden qatysqan 280-ge jýyq myń buralǵan bıshiler arasynan 5 júldeni oljalap, buǵan qosa kúzde Sochı qalasynda ótetin halyqaralyq bıshiler forýmyna shaqyrtý aldy.
– Bizden úsh jup tamasha óner kórsetip, qazylar alqasynan eń joǵary baǵa aldy. Kórermender de erekshe qoshemet kórsetti . «Jasa, Qazaqstan!» dep ýralaǵanda tóbemiz kókke jetkendeı boldy, – deıdi ansambldiń kórkemdik jetekshisi Olga Rostovshıkova kóńil tolqynysyn jasyra almaı. Onyń tárbıelenýshileri eýropalyq, latynamerıkalyq, qazirgi horeografııa atalymdary boıynsha synǵa túsip, Vena valsi, ıspan bıin, tangony naqyshyna keltire oryndap bergen. Al «Teatr óneri» atalymy boıynsha alǵash qatysyp otyrǵandaryna qaramastan júldeli orynǵa qol jetkizgen. Iá, qulaǵy nashar estıtin soltústikqazaqstandyq ul-qyzdar ym arqyly bı qımylyn jan-jaqty meńgerip, áýenge laıyqty qoıylymdardy joǵary deńgeıde usyný arqyly «Rozy Obzora» halyqaralyq festıvalinen eń joǵary marapat – Gran-prımen oralýy erekshe talantty ekendikterin aıǵaqtasa kerek.
О́mir ESQALI,
«Egemen Qazaqstan»
Soltústik Qazaqstan oblysy