Atalmysh shoýdyń saıtynda baǵdarlamanyń ańdatpasy jarııalandy. Onda «Orel ı Reshka» baǵdarlamasynyń júrgizýshileriniń Astanada ne kórgeni, qandaı qyzyqty oqıǵalardy bastan ótkergendikteri týraly egjeı-tegjeıli aıtylǵan. Astanaǵa taban tiregen kez-kelgen ártis birinshi kezekte qymyz týraly aıtatyn ádeti. Osy joly da solaı boldy.
Qymyzdy baǵdarlama júrgizýshileri osydan 5 myń jyl buryn paıda bolǵandyǵyn, qymyz týraly óziniń eńbekterinde ejelgi grek tarıhshysy Gerodottyń jazyp ketkeni týraly aıtty.
Sonymen qatar júrgizýshiler bıatlonnan Qazaqstan quramasynyń múshesi Darıa Ýsanovamen kúsh synasyp kórdi.
Tanymal shoý júrgizýshileri Astanadan shyǵa salysymen qazaqtardyń salt-dástúri, ádettegi tynys-tirshiligimen tanysqandyqtaryn aıtty.
«Qonaqjaılylyq munda dástúr retinde de halyqtyń ereksheligi retinde de qalyptasqan. Olar árıne bizdi mol dastarhan jaıyp, «Qara jorǵa» bıimen qarsy aldy. Bul dástúrdi biz de qoldap, birshama bıdiń qyzyǵyna battyq», - delingen ańdatpada.
Sonymen qatar «Orel ı Reshka» baǵdarlamasy Býrabaıda bolyp, elordadaǵy muhıtaralynyń keń aýqymdylyǵyna tánti bolǵan.
«Fantastıkalyq fılmderde kórsetiletin bóten planetadaǵy bolashaqtyń qalasyn kórgenderińiz bar ma? Qazaqstan astanasy týra sondaı!»,-deıdi baǵdarlama avtorlary.
Bul habardy qazaqstandyqtar efırden 22 tamyzda kóre alady.