О́tken demalys kúnderi Kanadanyń Ontarıo qalasynda mánerlep syrǵanaý sportynan elderdiń sport klýbtarynyń jarystary aıaqtaldy.
Erikti jáne qysqa baǵdarlama boıynsha, qazaqstandyq sportshy Elızabet Tursynbaeva jarys kestesinde joǵarylaı tústi.
Barshaǵa málim - Elızabet 2013 jyldan beri ataǵy jer jaryp turǵan kanadalyq mánerlep syrǵanaýshy Braıan Orserdiń tárbıesin alyp júr. Alaıda Qazaqstan atynan óner kórsetedi.
Elızabettiń ákesi Baıtaq Tursynbaevtyń aıtýynsha, osy jolǵy týrnırde Kanadanyń eń myqty degen mánerlep syrǵanaýshylary óner kórsetken. Lıza Toronto CS&CC klýbynda óner kórsetti. Qysqa baǵdarlamada ol 59,00 upaı, al erikti baǵdarlamada 106,22 upaı jınady.
Qorytyndy 165,30 upaı qazaqstandyq sportshyǵa óziniń barlyq qarsylastarynyń aldyna shyǵýǵa múmkindik berdi. Ekinshi orynda Amanda Tobın (152,95), úshinshi orynda Emı DESEL (151,97).