Atap aıtqanda, Úkimet basshysy Ulttyq ekonomıka, Aýyl sharýashylyǵy mınıstrlikteri ákimdermen birlese bir aı merzimde halyqty shaǵyn nesıemen qamtýdy keńeıtýdi qosymsha qarastyrýy tıis ekenin jetkizdi.
«Nátıjeli jumyspen qamtý jáne jappaı kásipkerlikti damytý baǵdarlamasyn júzege asyrý aıasynda óńir ákimderi azamattardy zeınetaqy júıesi men mindetti áleýmettik medısınalyq saqtandyrýǵa (MÁMS) tartý úshin turaqty jumys oryndaryn qurýǵa erekshe nazar aýdarý qajet. О́tken Úkimet otyrysynda Ulttyq eksporttyq strategııany maquldadyq. Endi Investısııalar jáne damý mınıstrligi múddeli memorgandarmen birlese bir aı merzimde eksporttaýshylardy qoldaý baǵatynda mınıstrlikterdiń, jergilikti atqarýshy organdardyń, sondaı-aq «QazaqEksport» ulttyq kompanııasynyń jaýapkershilik aýmaǵyn jikteý boıynsha naqty usynystar engizýi qajet», - dedi Premer-Mınıstr.
Budan bólek, Ulttyq ekonomıka mınıstrligine múddeli memorgandarmen jáne Ulttyq kásipkerler palatasymen birlese «Azamattarǵa arnalǵan úkimet» korporasııasyna uqsas jolmen bıznes úshin memlekettik qyzmetterdi iske asyrý boıynsha usynystardy engizý júkteldi.
«Mindetti áleýmettik medısınalyq saqtandyrýǵa qatysty Densaýlyq saqtaý mınıstrligine Ulttyq ekonomıka, Qarjy, Ádilet, Eńbek jáne áleýmettik qorǵaý mınıstrlikterimen birlese eki kúndik merzimde MÁMS máseleleri boıynsha Memleket basshysyna hattyń jobasyn engizýdi tapsyramyn. Munymen qosa, Mádenıet jáne sport, Bilim jáne ǵylym, Aqparat jáne kommýnıkasııalar, Din isteri jáne azamattyq qoǵam, Qarjy mınıstrlikterine, óńir ákimdikterine «Rýhanı jańǵyrý» baǵdarlamasy aıasynda jobalardy der kezinde júzege asyrýdy qamtamasyz etýdi jekeleı qadaǵalaýǵa alý júkteledi», - dep atap ótti Baqytjan Saǵyntaev.