Qazaqstan Parlamenti Májilisiniń depýtaty, palatanyń Halyqaralyq ister, qorǵanys jáne qaýipsizdik komıtetiniń múshesi Ýálıhan Qalıjanov Kýbanyń Qazaqstandaǵy Tótenshe jáne ókiletti elshisi Abelardo Ernandes Ferrermen kezdesti.
Kýba elshisi «Qazaqstan úshin eń mańyzdy, tarıhı oqıǵa – el Táýelsizdiginiń 20 jyldyǵy. Qazaqstannyń merekesi bizdiń de merekemiz. Búgingi kezdesýimiz eki el arasyndaǵy parlamenttik baılanystyń jalǵasy dep qabyldaımyn. Bizdiń ekijaqty dostyǵymyz parlamentaralyq keńester men halyqaralyq forýmdar júzinde órisin taýyp otyrǵany aıan», – dedi.
«Qazaqstan – Kýba» parlamentaralyq yntymaqtastyq tobynyń jetekshisi Ý.Qalıjanov Kýbamen jańa parlamentaralyq baılanystardy jetildirýge árqashan ázirligin bildirdi. Eki memleket arasyndaǵy medısına jáne bilim berý jónindegi baılanystar qalypty damyp otyrǵanyna toqtaldy.
Keleshekte qarym-qatynasty odan ári damytý úshin Kýba elshisi Májilis depýtattaryn Kýbaǵa shaqyrdy.