Esterińizge salaıyq, 2013 jyly respýblıkada «Qoljetimdi baspana-2020» baǵdarlamasy qabyldandy, keıin onyń ataýy óńirlerdi damytý baǵdarlamasyna aýystyryldy, qazir onyń ataýy – «Nurly jer». Soǵan sáıkes elordada apatty úılerdi, atap aıtqanda kóppáterli turǵyn-úılerdi súrip tastaý boıynsha baǵdarlama iske asyryla bastady.
Qazirgi ýaqytta apatty jáne eski úılerdi súrip tastaý pılottyq jobasyn iske asyrýdyń 1 kezeńi aıaqtaldy, qyrkúıekte bul kezeń boıynsha sońǵy úıler paıdalanýǵa beriledi.
Jobanyń birinshi kezeńi aıasynda 228 apatty úı súrilip tastaldy, olardan 3,5 myń otbasy kóshirildi. Bul 1940-1980 jyldar aralyǵynda salynǵan negizgi qurylys qurylǵylary jáne ınjenerlik júıeler ábden tozǵan úıler. Ol úıler adam ómirine qaýip tóndiredi dep tanylyp, ári qaraı onda turýǵa ruqsat etilmedi.
2013 jyldan 2016 jylǵa deıin 117 úı súrilip tastaldy, 1,5 myń otbasy kóshirildi. Qazirgi ýaqytta 77 úıden adamdardy kóshirý bastaldy.
Bıyl 1,8 myńnan astam otbasy turatyn 111 úıdi súrip tastaý josparlanýda. Súrip tastaýǵa jatatyn úılerdiń tizimi turǵyn-úı basqarmasynyń saıtynda kórsetilgen. Pılottyq jobany iske asyrý úshin ákimdik janynda úılerdiń qurylysy boıynsha ókiletti kompanııa – «Elorda damý» JShS quryldy. Jobanyń bastapqy kezeńinde úılerdiń qurylysyna respýblıkalyq bıýdjetten nesıe qarajaty berildi. Pılottyq jobanyń talaptaryna sáıkes, kompanııa páterlerdiń 30 paıyzyn apatty turǵyn-úılerdiń turǵyndary úshin tabystaıdy, 70 paıyzyn satady. Satylymnan túsken qarajatqa kompanııa qurylysqa qaıta ınvestısııa salady.
Qala ákimimen saıabaqtar, alańdar, sporttyq alańdar salý úshin bosatylǵan jer ýchaskeleriniń negizgi bólikterin paıdalaný sheshimi qabyldandy. 2018 jyldyń qańtarynda pılottyq jobanyń ekinshi kezeńin iske asyrý bastalady, sonyń aıasynda 600 sharshy metr aýmaqta 8500 páter paıdalanýǵa beriledi.
Aıta ketken jón, pılottyq jobany qaıta ınvestısııalaýǵa baǵyttalǵan qarajat jyl sońynda 48 mlrd teńgeni quraıdy.
«Nurly jer» baǵdarlamasy aıasynda elordada úıqurylysy kombınaty óz jumysyn bastaıdy.
Bul kombınattyń óniminen «GLB» JShS jalpy aýmaǵy 170 myń sharshy metrlik kóppáterli turǵyn keshenderdiń qurylysy bastaldy.