Baǵdarlamalar baqylaýda Elbasy Nursultan Nazarbaev ótken jumada óńirlerdi áleýmettik-ekonomıkalyq damytý men memlekettik baǵdarlamalardy iske asyrý boıynsha arnaıy keńes ótkizgen bolatyn. Keshe Úkimet otyrysynda B.Saǵyntaev osy keńeste belgilegen mindetterdi iske asyrý sharalaryn pysyqtady. Jaýapty memlekettik organdarǵa jáne ákimdikterge «Nurly jol» memlekettik baǵdarlamasy boıynsha qarajattardy ıgerý máselesin turaqty baqylaýda ustaýdy tapsyrdy. Ásirese, bilim berý nysandaryna qatysty jumystardy erekshe nazarǵa alý kerektigin aıtty. Osyǵan oraı, Ulttyq ekonomıka mınıstrligine aı saıyn nysandardyń ýaqytyly ótkizilýine monıtorıng júrgizip, Úkimetke aqparat berip otyrýdy tapsyrdy.
Sondaı-aq, «Nurly jer» baǵdarlamasy boıynsha Investısııalar jáne damý mınıstrligine «Báıterek» holdıngimen jáne óńirlerdiń ákimderimen birlesip 1 qazanǵa deıin baǵdarlamaǵa ekinshi deńgeıli bankterdi belsendirek tartý men ony iske asyrýdyń tıimdiligin arttyrý úshin baǵdarlama tetikterine túzetýlerdi qarastyratyn Úkimet sheshiminiń jobasyn engizý týraly tapsyrma berildi. Oǵan qosa, Investısııalar jáne damý mınıstrligine Aqparat jáne kommýnıkasııalar mınıstrligimen birlesip baǵdarlama tetikterin aqparattyq súıemeldeý boıynsha medıa-jospardy bekitip, atalǵan jumysqa oblystardyń ákimderin tartý júkteldi.
Úkimet basshysynyń málimdeýinshe, Indýstrııalyq-ınnovasııalyq damý memlekettik baǵdarlamasy boıynsha sıfrlandyrý men jańa tehnologııalardy engizý turǵysynan baǵdarlamanyń tıimdiligin arttyrý qajettigi týyndap otyr. Osyǵan oraı, Investısııalar jáne damý mınıstrligine ákimdiktermen jáne múddeli uıymdarmen básekege qabiletti eksporttyq óndiristerdi damytý boıynsha jumysty úılestirýdi tapsyrdy. Sondaı-aq, Premer-Mınıstr óńirlerdiń ákimderine ındýstrııalandyrýdyń óńirlik kartalary aıasynda engizilgen, barlyq toqtap turǵan kásiporyndardy iske qosý boıynsha naqty jumystardy júrgizýdi jáne 1 jeltoqsanǵa deıin olardyń jumysyn qaıta jandandyrýdy tapsyrdy. Al agroónerkásip keshenin damytý boıynsha Aýyl sharýashylyǵy mınıstrligine Qazaqstannyń qarjygerler qaýymdastyǵymen, «Atameken» UKP jáne oblystardyń ákimderimen birlesip bir aılyq merzimde iri agroholdıngterdi qarjylyq saýyqtyrý jumystaryna egjeı-tegjeıli taldaý jasap, Úkimetke tıisti usynystar jiberý júkteldi. Budan ózge, Úkimet basshysy ózara saqtandyrý qoǵamdarynyń qyzmetin retteý arqyly, 2018 jylǵy 1 qańtarǵa deıin ósimdik sharýashylyǵyndaǵy mindetti saqtandyrý máseleleri boıynsha zańnamaǵa ózgerister men tolyqtyrýlar ázirleý qajettigin aıtty.
Nátıjeli jumyspen qamtý jáne jappaı kásipkerlikti damytý baǵdarlamasyn iske asyrý aıasynda Eńbek jáne halyqty áleýmettik qorǵaý, Ulttyq ekonomıka, Qarjy jáne Aýyl sharýashylyǵy mınıstrlikterine óńirlerdiń ákimderimen birlesip, Úkimetke aımaqtyq kvotalardy ulǵaıtý, elimizdiń ońtústik óńirlerinen soltústikke erikti túrde kóshýge yntalandyrý jáne qajetti esepterdi daıyndaý boıynsha usynystardy Úkimetke jiberý tapsyryldy.
Premer-Mınıstr, sonymen qatar, Ulttyq ekonomıka mınıstrligi men Aýyl sharýashylyǵy mınıstrligine ákimdermen birlesip, bir aı ishinde halyqty shaǵyn nesıelendirýmen qamtamasyz etý kólemin ulǵaıtý, sonyń ishinde «Bıznes-Bastaý» jobasy boıynsha qarjylandyrylǵan startaptardyń úlesin arttyrý týraly tapsyrmalar berdi. О́ńir ákimderine baǵdarlamany iske asyrý aıasynda azamattardy zeınetaqy júıesine jáne mindetti áleýmettik medısınalyq saqtandyrýǵa tartý úshin turaqty jumys oryndaryn ashýǵa erekshe kóńil bólý qajettigin eskertti.
Ulttyq eksporttyq strategııa turǵysynan Investısııalar jáne damý mınıstrligine tıisti memlekettik organdarmen birlesip, bir aılyq merzimde eksporttaýshylarǵa qoldaý kórsetý máselesinde mınıstrlikterdiń, jergilikti atqarýshy organdardyń jáne «Kazakh Export» ulttyq kompanııasynyń jaýapkershilik aımaqtaryn bólý boıynsha naqty usynystar berý júkteldi.
Budan ózge, Ulttyq ekonomıka mınıstrligine jaýapty memlekettik organdarmen jáne úkimettik emes uıymdarmen bızneske «Azamattarǵa arnalǵan úkimet» korporasııasynyń qyzmeti tárizdi memlekettik qyzmetterdi kórsetý boıynsha usynystardy zerttep, usyný, sondaı-aq, Mádenıet jáne sport, Bilim jáne ǵylym, Aqparat jáne kommýnıkasııalar, Din isteri jáne azamattyq qoǵam, Qarjy mınıstrlikterine, óńirlerdiń ákimdikterine «Rýhanı jańǵyrý» baǵdarlamasy aıasynda jobalardyń ýaqytyly iske asyrylýyn jeke baqylaýǵa alý tapsyryldy.
Zań jobalary qaraldy Keshegi Úkimet otyrysynda «Kedendik retteý týraly» kodekstiń jobasy jáne ilespe zań jobalary, sonymen qatar, «Qazaqstan Respýblıkasynyń keıbir zańnamalyq aktilerine bıýdjet zańnamasyn jetildirý máseleleri boıynsha ózgerister men tolyqtyrýlar engizý týraly» zań jobasy qaraldy. Talqylaý qorytyndysynda bıýdjet zańnamasyn jetildirý týraly zań jobasy maquldandy.
Ulttyq ekonomıka mınıstri Tımýr Súleımenovtiń málimdeýinshe, «Qazaqstannyń keıbir zańnamalyq aktilerine bıýdjet zańnamasyn jetildirý máseleleri boıynsha ózgerister men tolyqtyrýlar engizý týraly» zań jobasy Memleket basshysynyń bıylǵy Qazaqstan halqyna Joldaýynda bergen tapsyrmalaryn, Ulttyq qordy qurý jáne paıdalanýdyń jańa tujyrymdamasyn, sondaı-aq, Parlament jáne Esep komıtetiniń usynymdaryn iske asyrý maqsatynda ázirlengen. Zań jobasymen bıýdjet zańnamasyna 6 negizgi baǵyt boıynsha túzetýler usynylýda. Bul ortalyq jáne jergilikti deńgeılerdegi 1,5 myńnan astam qujatty qysqartýǵa múmkindik beredi.
Bıýdjettik baǵdarlamalardy iske asyrý kezinde ákimshiniń derbestigin keńeıtý aıasynda bıýdjetti naqtylaýsyz bıýdjettik jobalar arasynda qarajatty qaıta bólý múmkindigin qarastyrý usynyldy.
Ulttyq ekonomıka mınıstri sondaı-aq, «Qazaqstan Respýblıkasyndaǵy kedendik retteý týraly» kodeks jobasymen tanystyrdy. «Sońǵy úsh jyl ishinde Eýrazııalyq ekonomıkalyq komıssııa alańynda EAEO-nyń jańa Keden kodeksin qalyptastyrý boıynsha kólemdi jumystar júrgizilgen, ol qazir ratıfıkasııalaý rásiminen ótkizilip jatyr», dedi T.Súleımenov.
Jańa odaqtyq kodeks barynsha qaıta óńdelip, kedendik retteýdiń negizgi tásilderi qaıta qaralǵan. Osyǵan oraı qoldanystaǵy ulttyq kedendik zańnamany jańa kedendik erejelerge sáıkestendirý máselesi kóterilgen. Segiz aılyq jumystyń qorytyndysy – Keden kodeksiniń jańa jobasy bolyp otyr.
Mınıstrdiń aıtýynsha, jańa Keden kodeksiniń qoldanystaǵy keden zańnamasynan basty aıyrmashylyǵy – kedendik retteýdiń jańa tásili. Jańa retteýdiń negizgi qaǵıdasy – kedende bıznes úderisterdi avtomattandyrý.
Jańa kodekspen bir ýaqytta oǵan ilespe zań jobasy ázirlengen, ol birqatar kodekster men zańdarǵa ózgerister engizýdi qarastyrady. Budan ózge, taýarlardy joıýdyń kedendik rásimine ornalastyrǵan jaǵdaıda memlekettik ekologııalyq saraptamany berý turǵysynan Qazaqstan Respýblıkasynyń Ekologııalyq kodeksine ózgerister engizilip jatyr. Bıýdjettik kodekske avanstyq tólemder normalaryn retteý turǵysynan túzetýler engizilýde. Sonymen qatar, kóliktik baqylaý fýnksııalary jáne taǵy basqalar turǵysynan keıbir zańdarǵa túzetýler engizilip jatyr. «Osylaısha, jańa Keden kodeksi Qazaqstanǵa tranzıttik jáne eksporttyq áleýetti paıdalanýǵa múmkindik beretinin, syrtqy ekonomıkalyq qyzmetti júrgizýdi jeńildetetinin senimdi túrde aıtýǵa bolady», dedi T.Súleımenov.
Premer-Mınıstr B.Saǵyntaev memlekettik organdarǵa otyrys barysynda aıtylǵan barlyq eskertýlerdi pysyqtap, qajettiginshe ózgerister engizý týraly tapsyrma berdi.
Dınara BITIK, «Egemen Qazaqstan»