Qalada da, qyrda da qurylys qyzyp tur

60 páterli úı salynyp jatyr Qalanyń ońtústik bóligindegi 5 qabatty 60 páterli turǵyn úıdiń qu­rylysy 15 maýsymda bas­tal­ǵan. Nysannyń sheberi Serik Qa­saıynovtyń aıtýynsha, qazir mun­da 80 adam eńbek etip jatyr. Jal­dyq negizdegi baspanany 2018 jy­ly paıdalanýǵa berý jos­par­lanǵan. «Qala boıynsha 800-ge jýyq adam baspana kezeginde tur. Bul páterler birinshi kezekte jas otbasylarǵa, memlekettik qyz­met­kerlerge, az qamtylǵan jáne kóp balaly otbasylarǵa, ardager­ler men múgedekterge beriledi. Qu­rylys nysanyndaǵy jumys ba­ry­syn aýdan ákiminiń ózi erekshe qadaǵalaýynda ustap otyr. Kún­de tańerteń osynda kelip, ju­mysshylarmen, merdigerlermen kez­desedi», deıdi Zyrıan qalasy áki­miniń mindetin atqarýshy Petr Chýrsın.

«Nurly jol» baǵdarlamasy aıa­synda qaladaǵy qarqyn alǵan sha­rýanyń biri – 10 shaǵyn aýdan­ǵa jylý qubyrlaryn tartý ju­mys­tary. Aýdandyq sáýlet, qala qu­rylysy jáne qurylys bólimi ma­mandarynyń aıtýynsha, bul maq­satqa respýblıkalyq bıýdjetten − 556, oblystyq bıýdjetten 60 mıl­lıonǵa jýyq qarjy bólinipti. «Qubyrlardyń uzyndyǵy 25 sha­qyrymnan asady. Jumysty bas­tamas buryn turǵyndardy jınap, tú­sindirý sharalaryn júrgizdik. Kelisimderin aldyq. Olar jylý qu­byrlaryn kóshe boıymen emes, baý-baqsha ishimen júrgizý týraly óti­nish bildirdi. Kelisim boıynsha qu­rylys jumystaryn aıaqtaý 2018 jylǵa josparlanǵan. Alaıda, biz bı­ylǵy jylý maýsymyna deıin bi­tirip, turǵyndardy ystyq sýmen qam­tamasyz etýge tyrysamyz», deı­di qurylys merdigeri «Al­taı­stroıproekt» JShS-niń qyz­met­keri Dáýlet Meıramǵalıev.

20 jyldan astam jóndeý kórmegen joldar asfalttaldy Qaladaǵy taǵy bir jaǵymdy ja­ńalyq, tórt birdeı kóshege ortasha jóndeý jumystarynyń júr­­gizilgendigi. Bul maqsatta ob­lys­­tyq bıýdjetten 50 mıllıon teń­ge bólinip, 20 jyldan astam ýa­qyt boıy jóndeý kórmegen 3 sha­qyrymǵa jýyq jol jóndelipti. «Osy shaǵyn aýdanda turyp kele jat­qanyma 30 jylǵa jýyq ýaqyt bol­dy. Asfalt degen dúnıe ómiri bolǵan emes. Joldyń bári oı­dym-oıdym bolatyn. Qazir mi­ne, bul mańaıdyń turǵyndary dán rıza. Qalanyń shetindegi sha­ǵyn aýdandarǵa da mán berilip jat­qany qýantady», deıdi osy sha­ǵyn aýdannyń turǵyny Olga Pro­kopeva. 

Sonymen qatar, memleket-je­ke­­menshik áriptestigi aıasynda qa­la­­daǵy jylý ortalyǵynyń №5 qa­­zandyǵyn jańartý josparlanyp otyr eken. Konsessııalyq jo­­baǵa qarjy salatyn ınvestor da anyqtalypty, qazirgi ýaqytta jobalaý-smetalyq qujattar ázir­le­nip jatqan kórinedi. Bul joba sátimen júzege asqan jaǵdaıda qazandyqtyń elektr qýaty 6 MV-t-ǵa, jylý qýaty 140, 2 GKall-sa­ǵatqa (búgingisi 128 GKall-saǵat) je­tedi deıdi mamandar. Zyrıan qa­lasyna bıyl sońǵy úsh-tórt jyl kóleminde alǵash ret ystyq sý 1 tamyz kúni berilipti. Aýdandyq qazandyq jyl boıy 75 myń tonna kómir jaǵatyn bolsa, tamyz aıynyń sońyna deıin 8 myń tonna kómir jetkizý josparlanyp otyr.

Jumysshylarǵa arnalǵan baspana boı kóteredi «Nurly jer» baǵdarlamasy boıynsha aýdannyń aýyldarynda da jumys qyzyp tur deýge bolady. Jaqynda Borodıno aýylynda eki páterli 5 úıdiń qurylysy bastalypty. Nysannyń merdigeri «Naryn-servıs» JShS basshysy Nyǵmet Shaýhınniń aıtýynsha, qu­rylys jumystaryna tek jer­gi­likti materıaldar qolda­ny­lyp ja­tyr. «Bul jerdegi jumystyń bas­talǵanyna bir aı boldy. Ju­mys kúshi jetkilikti. Tehnıka da, ózge de jabdyqtardyń bári ózi­miz­den. Alystan arbalamaımyz, qu­rylysqa qajetti zattardyń ba­r­lyǵyn irgedegi Úlken Narynnan áke­lemiz. Alla sátin salsa, 5 úıdiń qu­rylysyn qazan aıyna deıin aıaq­taýdy jos­parlap otyrmyz», deıdi ol. Úsh bólmeden turatyn bul úılerge negizinen osyndaǵy «Borodıno» sharýa qojalyǵynyń ju­mysshylary – malshylar, saýynshy­lar, mehanızatorlar, shópshiler men eginshiler, traktorshylardy qonystandyrý jos­parlanyp otyr. Bes úıdiń jobalaý-smetalyq qu­jat­tarynyń qarjysyn atalǵan sha­rýa qojalyǵynyń ıesi Qaırat Bókejanov óz moınyna alypty. «400 basqa arnalǵan taýar­ly-sút fermasyn aldaǵy ýaqytta 800-ge deıin ulǵaıtý josparda bar. Aýylda birde-bir úı bos turǵan joq. Jumyssyz júrgen adam joq bizdiń aýylda. Kerisinshe, bizge qa­zir mamandar jetpeı jatyr. Ju­mysshylar kerek. Eń bastysy, olar­ǵa baspana kerek. Myna 5 úı sol úshin salynyp jatyr. Tek ju­mys­shylar úshin», deıdi sharýa qo­ja­lyǵynyń basshysy. 

Zyrıan aýdanynyń ákimi Nurjan Toqseıitov óńirde Memleket bas­shy­synyń «Qazaqstannyń úshin­shi jańǵyrýy: jahandyq báse­ke­ge qabilettilik» atty bıylǵy Jol­daý­ynda júktelgen mindetter men mem­lekettik baǵdarlamalardy jú­zege asyrý baǵytynda aýqymdy ju­mystar qolǵa alynyp jatqanyn aı­tady. «Qalamyzda 20-30 jyl boıy jóndelmegen joldar jón­de­lip, ystyq sýsyz, jylýsyz otyr­ǵan turǵyndarǵa jylý tartylýda. Qa­lada da, aýylda da jańa bas­panalar salynyp jatyr. Aýdan tur­ǵyndary buǵan dán rıza», deıdi aýdan basshysy.

Azamat QASYM,  «Egemen Qazaqstan» Shyǵys Qazaqstan oblysy, Zyrıan aýdany