Aýyldyń ajaryna ajar qosqan sport nysanyndaǵy fýtbol alańyna 20 mıllıon teńgege jasandy tósenish tóselip, eni 10 metr, uzyndyǵy 400 metr bolatyn júgirý joly asfalttalypty. Sonymen qatar stadıonǵa 1250 jańa oryndyq ornatylyp, ondaǵy ákimshilik ǵımarattyń shatyry jańalanypty.
«Osy jumystardyń barlyǵyna uzyn sany 80 mıllıon teńgege jýyq qarajat jumsaldy. Stadıonnyń adam tanymastaı ózgerýine aýdannan shyqqan isker azamattar, osyndaǵy kásiporyndar men mekemeler, tipti qarapaıym turǵyndarǵa deıin bir kisideı atsalysty. Týǵan jerge janashyr azamattarǵa alǵystan basqa aıtarymyz joq. Barqytbel baýraıyndaǵy jurt Elbasynyń «Rýhanı jańǵyrý» bastamasyna osylaısha ún qatyp, úles qosyp jatqan jaıy bar. Jalpy, bıyl kásipkerler esebinen aýdan bıýdjetine 200 mıllıon teńgeden astam ınvestısııa salyndy. О́sip-óngen mekenin órkendetsem deıtin jany jomart jandardyń qatarynyń kóbeıip kele jatqany qýantady», deıdi Tarbaǵataı aýdanynyń ákimi Dildábek Orazbaev.
Eki myń orynǵa shaqtalǵan stadıonda bir mezgilde sporttyń birneshe túrimen shuǵyldanýǵa bolady. Aınadaı jarqyraǵan sport nysanynyń ashylǵanyna aýyldyń jasamysy da, jasy da dán rıza.
«Aýdannan 10 álem chempıony shyqqan. Bul stadıon aldaǵy ýaqytta bizdiń jastarymyzdyń arasynan álem, Olımpıada chempıondarynyń shyǵýyna septigin tıgizedi dep oılaımyz», deıdi sport ardageri Bolat Orazǵalıev.
Azamat QASYM, «Egemen Qazaqstan»
Shyǵys Qazaqstan oblysy, Tarbaǵataı aýdany