2010 jyldan bastap Indýstrıalandyrý kartasy aıasynda Astanada 24 joba iske asyryldy, dep habarlady qala ákimdigi medıa ortalyǵynyń tilshisine Kásipkerlik jáne ónerkásip basqarmasy kásipkerlikti jáne ónerkásipti damytý bóliminiń basshysy Azamat Rashıtov.
«Indýstrıalandyrý kartasy aıasynda 2010-2016 jyldar aralyǵynda Astanada jalpy somasy 232,6 mlrd teńgege 24 joba iske asyryldy. Sonyń arqasynda shamamen 3 myń jumys orny quryldy», – dedi bólim basshysy.
Sonymen birge, Indýstrıalandyrý kartasy aıasynda óndiristik ónimniń kólemi aǵymdaǵy jyldyń 7 aıynda 22,3 mlrd teńgege nemese 2016 jyldyń sol kezeńimen salystyrǵanda 1,2 ese artyp, 111,3 mlrd teńgeni qurady. Vedomstvo málimetteri boıynsha jobalardyń júktemesi ortasha eseppen alǵanda 78 paıyzdy quraıdy.