Atalǵan Zańǵa sáıkes prokýratýra organdarynyń quzyretine jáne ótinishterdi qaraý tártibine ózgerister engizildi. Endi jańadan ashylǵan ortalyqta prokýrorlar sotqa deıingi qylmystyq prosestiń, atqarýshylyq óndiristiń zańdylyǵyn, qylmystyq jáne azamattyq ister boıynsha sot aktileriniń zańdylyǵyn qadaǵalaý salalary boıynsha qabyldaý júrgizedi. Zamanaýı ınfraqurylymmen jabdyqtalǵan ǵımaratta ujymdyq ótinish ıelerin qabyldaýǵa arnalǵan 30 kútý orny bar. Onda qadaǵalaý organy ókilderi azamattardy qabyldap, prokýratýra organdarynyń ókilettiligi sheńberindegi quqyqtyq máseleler boıynsha keńes beredi. Prokýratýra basshylarynyń jeke qabyldaýyna da jazylýǵa bolady.
Sondaı-aq azamattardyń ózderiniń buryn jazǵan ótinishteriniń qaralý barysy týraly aqparat pen jaýap kóshirmelerin alýǵa múmkindikteri bar. Iаǵnı, ortalyqta oblys turǵyndary qoldanystaǵy zań talaptaryn túsindirý boıynsha kásibı zańnamalyq kómek ala alady.
Sonymen birge, oblys ákiminiń qoldaýymen aǵymdaǵy jyly prokýratýra ǵımaratynda «Quqyq qorǵaý qyzmetter ortalyǵy» qurylýda. Bul quqyq qorǵaý jáne zańdylyqty qamtamasyz etetin quqyq qorǵaý organdarynyń ókilderiniń qatysýymen ótinishterdi qaraýdyń júıeli tásilin qamtamasyz etedi dep kútilýde. Zańdy jáne áleýmettik-aqtaý qyzmetin bir jerde kórsetý arqyly júzege asyrylatyn bolady. Áleýmettik shekteýli turǵyndarǵa notarıýs, qorǵaýshy, psıholog jáne medıatorlar tegin zańdy kómek kórsetedi.