Atyraý oblysynyń Mahambet aýdany Saraıshyq aýylyndaǵy kóne qala ornynda qazba jumystaryn júrgizý barysynda alǵashqy jádigerler tabyldy, dep habarlaıdy QazAqparat
«Biz jylytýǵa arnalǵan jaqsy saqtalǵan peshi bar úılerdiń birin qazýdy bastadyq. Alǵashqy qolǵa túsken zattar da bar. Ol – 18 ǵasyrdaǵy tıyndar, onyń ishinde kúmis, boıtumar, súıek pen qyshtan jasalǵan buıymdar bar», – dedi Atyraý tarıhı-aımaqtyq mýzeıiniń dırektory Rashıd Harıpov.
Eske sala keteıik, Uly Jibek jolynyń boıynda ornalasqan Saraıshyq qalasy «Qazaqstannyń kıeli jerleriniń geografııasy» nysandarynyń tizimine engen. «Rýhanı jańǵyrý» baǵdarlamasyn júzege asyrý barysynda murajaı bıyl qalany qazý jumystaryna kiristi. Sońǵy ret bul jerde jumystar 10 jyl buryn júrgizilgen. Arheologtar qyrkúıektiń sońyna deıin jumys jasaıdy. Saraıshyq qalasyn zertteý baǵdarlamasy kelesi jyly da jalǵasady.