Bul jerde eskere keter taǵy bir jaıt, Tvýmasımen birge birinshi oryndy «Seltık» forvardy Skott Sınkleır bólisip tur. Ekeýiniń enshisinde bes goldan. Al eki kezdesýdiń qorytyndysy boıynsha Sınkleır «Astanaǵa» úsh gol saldy. Ol Glazgoda eki doppen kózge tússe, keshe Astanada bir márte mergendigimen tanyldy.
Sonymen qatar, Patrık Tvýması eń kóp soqqy jasaǵan oıynshylardyń arasynda da kósh bastap tur. Irikteý kezeńinde ol barlyǵy 16 márte qaqpany nysanaǵa alǵan. Onyń beseýi qaqpadan qısyq ketse, tórteýinde qorǵaýshylar tosqaýyl bolypty.
Budan bólek, Patrık Tvýması men onyń komandalas áriptesi Igor Shıtov eń dóreki oıynshylardyń ondyǵyna kirdi. Ekeýi de 12 ret oıyn tártibin buzǵan. Bul tizimde ázirge Mohammad Gadır («Hapoel», Beer-Sheva) men Maksı Medvedev («Karabah») kósh baastap tur.
Al «Seltıkti» Chempıondar lıgasynyń pleı-off synynda jeńgen ári gol soqqan jalǵyz komanda – «Astana». Budan bólek, Brendan Rodjers shákirtteri osyǵan deıin bes oıynda ózderine gol jibermeı kele jatqan. Sondaı-aq, shotlandııalyq ujym bul synda barlyǵy 13 gol soǵyp, úzdik nátıje kórsetip tur. Al «Astana» 9 toǵyz soqqan.
«Seltık» 40 match boıy eshkimge ese jibermeı kelipti. Sońǵy ret olar ótken jyldyń 13 qyrkúıeginde «Barselonadan» 0:7 esebimen utylǵan eken.
Sonymen qatar, «Astananyń» tórt golynyń saldarynan «Seltık» soqqan jáne jibergen goldar aıyrmashylyǵy boıynsha birinshi orynnan 36-orynǵa birden syrǵydy. Qazirgi ýaqytta «Sportıng», «Napolı» jáne SSKA (Máskeý) komandalary ǵana gol jibermeı keledi.
«Seltık» pen «Astana» pleı-off básekesinde eń kóp soqqy baǵyttaǵan komandalar arasynda birinshi jáne ekinshi orynda keledi. Elordalyq komanda 90, al shotlandııalyqtar 109 ret qaqpany kózdegen. Bul kórsetkishte úzdik úshtikti Horvatııanyń «Rıeka» (84) ujymy túıindep tur.
Sondaı-aq, «Astana» irikteý kezeńinde eń kóp tártip buzǵan komanda atandy. Elordalyqtar barlyǵy 19 sary qaǵazben eskertý alypty.
Aıta keteıik, keshe «Astana» óz alańynda «Seltıkti» qabyldap 4:3 esebimen jeńiske jetti. Biraq eki matchtyń qorytyndysy boıynsha shotlandııalyq komanda 8:4 esebimen basym túsip, Chempıondar lıgasynyń toptyq kezeńine joldama aldy. Al «Astana» Eýropa lıgasynyń toptyq kezeńinde óner kórsetetin bolady.
Daıyndaǵan: Aıan ÁBDÝÁLI, «Egemen Qazaqstan»