Kaspıı jaǵalaýy elderiniń teatr óneri salasyndaǵy yntymaqtastyǵyn kúsheıtý men mádenı jáne rýhanı baılanystardyń odan ári nyǵaıýyna úles qosý, teatr ónerin damytý jáne teatrlardyń shyǵarmashylyq bastamalaryn yntalandyrý, birlesken shyǵarmashylyq jobalarǵa jáne kásibı qarym – qatynasqa jaǵdaı jasaý, jurtshylyq nazaryn qazirgi zamanǵy jańa teatrlyq úderiske aýdarý maqsatyndaǵy festıvalǵa Kaspıı jaǵalaýy jáne túrki tildes elderdiń kásibı drama jáne mýzykalyq-drama teatrlary qatysyp, TÚRKSOI-ǵa múshe-elderdiń memlekettik teatrlary basshylary Keńesiniń kezekti májilisi ótedi.
Festıvalge Qazaqstan, Ázirbaıjan, Reseı jáne Iran elderinen klassıkalyq nemese ulttyq repertýarlyq qoıylymymen bir teatr ujymy qatyspaq. Atap aıtsaq, Reseıden «Noǵaı Memlekettik drama teatry» memlekettik bıýdjettik mekemesi men «Astrahan drama teatry» memlekettik avtonomııalyq mádenıet mekemesi, Qazaqstannan M. Áýezov atyndaǵy Qazaq Memlekettik akademııalyq drama teatry men N.Jantórın atyndaǵy Mańǵystaý oblystyq mýzykalyq-drama teatry, Ázirbaıjannan IÝG Memlekettik teatry jáne Irannan «Aına» teatr toby qatysyp, teatr saıysyna osy elderdiń tanymal mamandary qazylyq etpek.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy