Ekinshi kezeńdegi bir jarym aıda (2017j. 15 shilde - 20 tamyz) halyqtan 1 mln 754 myń 126 shyny bótelke qabyldandy.
Atalǵan bastamany engizý nátıjesinde shyny bótelke jınaýshy kompanııalarǵa qoldaý kórsetilse, ekinshi kezeń aıasynda halyqty shyny bótelke ótkizýge yntalandyrý boldy. Jobanyń nátıjesinde halyqqa shyny bótelkeni ótkizý paıdaly bolyp otyr. Qazir qabyldaý beketterinde bir shyny bótelkeni 8-den 15 teńgege deıin ótkizýge bolady. Qala shetinde turatyndar úshin bótelke qabyldaýshy kompanııalar arnaıy jyldymaly beket qyzmetin iske qosqan. Jınalǵan shyny ydystar alkogoldi jáne alkogoldi emes sýsyndar shyǵaratyn óndirýshige jetkizilip, bótelkeler qaıta paıdalanylady.
Atalǵan pılottyq joba Qazaqstandaǵy qaıta paıdalanýǵa keletin shyny naryǵyn damytý maqsatynda engizilip otyr. Jyl saıyn elimizde 340 myń tonna shyny bótelke shyǵady. Sonyń 30 myń tonnasy ǵana synyq qaldyq retinde qaıta óńdeledi. Qalǵan 270 -290 myń tonnaǵa jýyq kólemdegi shyny ydys qoqys polınogondaryna tastalady. О́KM Operatorynyń pılottyq jobasy shyny ydystardy qaıta paıdalanýdy yntalandyrýǵa baǵyttalyp otyr.
Qoldanystaǵy shyny ydysty qaıta paıdalanýdyń negizgi basymdylyqtaryna toqtalsaq:Qoqys polıgondarynyń ulǵaıý kólemin qysqartady.
Qorshaǵan ortaǵa salmaq salmaı, shıkizatty az paıdalaný. Mysaly, bir tonna bótelkeni (2 860 dana) shyǵarýǵa 1,2 tonna tabıǵı shıkizat (sonyń ishine 0,59 tonna kvars qumy, 0.172 tonna áktas, 0,186 tonna sody jáne 0,072 tonna dala shpaty) ketedi. Sonymen qatar saǵatyna 4 MVt elektr energııasy jumsalady. Bótelkeni jasap shyǵýdan qaraǵanda, ony qaıta paıdalaný tabıǵı resýsty únemdeıdi.
Jańa jumys oryny ashylady.
Qaıta óńdeý salasyn damytýǵa ınvestısııa tartýǵa qyzyǵýshylyqty arttyrady.
Qazaqstanda shyny bótelkelerdi jınaý boıynsha pılottyq jobanyń qorytyndasy 2017 jyldyń sońynda jasalady.