«Parasatty polıseı» konkýrsy - qyzmetkerlerdiń memlekettik tildi bilý deńgeıin arttyrýǵa, kásibı sheberligin nyǵaıtýǵa, patrıottyq rýhta tárbıeleýge jáne tańdaǵan mamandyǵyna degen maqtanysh sezimin qalyptastyrýǵa baǵyttalǵan jyl saıynǵy dástúrli is-shara.
Konkýrsqa oblystardaǵy ishki ister departamentterinen, respýblıkalyq mańyzy bar qalalardan, QR IIM-niń 3 joǵary oqý ornynan 19 komanda qatysýda.
Konkýrstyń saltanatty ashylýyna QR IIM Memlekettik til jáne aqparat departamentiniń dırektory Almas Sadýbaev, QR IIM Kadr jumysy jónindegi departamenti bastyǵynyń orynbasary, polısııa polkovnıgi Rýslan Qurymbaev, SQO ákiminiń birinshi orynbasary Aıdarbek Saparov, sondaı-aq, barlyq oblystardaǵy ishki ister departamentteriniń basshylyǵy men baspasóz hatshylary qatysty.
Konkýrs úsh kezeńnen turady. Birinshi kezeńde komandalar ishki ister organdarynyń 25 jylda jetken jetistikterin, oń ımıdjdi, qyzmet mártebesi men erekshelikterin, kásibı qyzmette qazaq tiliniń qoldanylýyn kórsetip, óz komandalaryn tanystyrady.