Qazaqstan Respýblıkasy Parlamenti Májilisiniń Tóraǵasy Oral Muhamedjanov bastaǵan parlamenttik delegasııa Parlamentaralyq Odaq Assambleıasynyń 125-shi otyrysyna qatysady. Bul parlamenttik forým Bern qalasynda (Shveısarııa) qazannyń 16-sy men 19-y aralyǵynda ótedi.
Basqosýdyń baǵdarlamasynda basqa da parlamenttik sharalarmen qatar, Assambleıa sheńberinde «Iаdrolyq qarý – apatqa ákeletin jol» taqyrybynda pikirtalas ótetini kózdelýde. Pikirtalastar kezinde Oral Muhamedjanov sóz sóıleıdi dep kútilýde.
Sondaı-aq baǵdarlamada Qazaqstan Respýblıkasy Parlamenti Májilisi Tóraǵasynyń Parlamentaralyq Odaq Assambleıasynyń forýmyna kelgen sheteldik delegasııa basshylarymen, onyń ishinde Germanııa Býndestagynyń tóraǵasy Norbert Lammert, Japonııa Parlamenti О́kilder palatasynyń spıkeri Takahıro Iokomıchı jáne Shveısarııa Konfederasııasy Parlamenti Ulttyq keńesiniń prezıdenti Jan-Rene Jermanemen ekijaqty kezdesýler ótkizetini de qarastyrylǵan, dep habarlady Májilistiń baspasóz qyzmeti.