Bıyldyń birinshi jartyjyldyǵynda azyq-túlik salasyna ınvestısııa tartý boıynsha Soltústik Qazaqstan jáne Ońtústik Qazaqstan oblystary alǵa ozdy. Bul týraly Astanada «AgroInvest Forum 2017» agroónerkásiptik ınvestısııalyq forýmynda tilshilerge Aýyl sharýashylyǵy vıse-mınıstri Gúlmıra Isaeva málim etti, dep habarlaıdy QazAqparat.
«Birinshi jartyjyldyqta azyq-túlik óndirýde ınvestısııa kólemi 31,6 mlrd teńgeni qurady nemese ótken jyldyń sáıkes kezeńimen salystyrǵanda 21 paıyzǵa ósti. Investısııa boıynsha eleýli ósim Soltústik Qazaqstan oblysynda (5,4 ese) jáne Ońtústik Qazaqstan oblysynda (5ese) baıqaldy. О́simdik sharýashylyǵynda aǵymdaǵy birinshi jartyjyldyqta ınvestısııa kóleminiń artýy 61 paıyzdy, al mal sharýashylyǵynda 27 paıyzdy qurady», - dedi Isaeva.
Vıse-mınıstrdiń atap ótýinshe, sheteldik ınvestorlarǵa aýyl sharýashylyǵy shıkizatyn óńdeý baǵyty qyzyǵýshylyq týdyryp otyr, ıaǵnı bul baǵytta ósim qarqyny 5,2 paıyz. Osy oraıda un men unnan jasalǵan jáne et ónimderi, shujyq, jartylaı fabrıkat, konservilik ónimder qamtylýda.
«Bul óz kezeginde Qazaqstan shıkizatqa baı ekenin bildiredi. Atap aıtqanda, qazirgi zamanǵy qaıta óńdeý óndiristeriniń sanyn arttyrýda barlyq múmkindikterge ıemiz. Osy arqyly eksportqa óńdelgen ónimmen shyǵýǵa jaǵdaı bar», - dedi mınıstrdiń orynbasary.