Taıbeıde ótken 2017 jylǵy Ýnıversıada oıyndarynda aýyr atletıkadan Qazaqstan quramasy óner kórsetýlerin aıaqtady. Dúnıejúzilik stýdentter oıynyna attanǵan qazaqstandyq 10 sportshynyń altaýy medaldar enshiledi.
Atap aıtqanda, Albert Lınder (69 kg deıin), Aıdar Qazov (77 kg deıin), Denıs Ulanov (85 kg deıin) «altyn» ıelense, Karına Gorıcheva (69 kg deıin) men Rústem Sybaı (94 kg deıin) - kúmis, Arlı Chonteı (56 kg deıin) qola medaldarǵa qol jetkizdi.
«Men sportshylardyń nátıjesine rızamyn. Olar biz kútkennen artyq óner kórsetti. Keıbir sportshylar úshin bul olımpıadadan keıingi alǵashqy start. Sonyń ózinde kórsetkish jaman emes. Alda bizdi jaýapkershiligi mol kúz kútip tur. 5 qyrkúıek kúni Qazaqstan Respýblıkasynyń chempıonaty bastalady, 17-27 qyrkúıek aralyǵynda Ashhabadta Azııa oıyndary jáne 27 qarashada bizdiń qurama komandamyz bıylǵy jyldyń bas sporttyq sharasy - álem chempıonaty-2017-ge qatysady. Sol sebepti demalysqa ýaqyt joq», dep atap ótti Aýyr atletıkadan ulttyq qurama komandasynyń bas jattyqtyrýshysy Iýrıı Melnıkov.