Syrtqy ister mınıstrligi baspasóz qyzmetiniń jetekshisi Ánýar Jaınaqov Grýzııada Qazaqstan azamatynyń kinásinen bolǵan jol-kólik apatyna qatysty túsinik berdi, dep habarlaıdy QazAqparat.
«Jol apatyna baılanysty Qazaqstan azamatynyń qamaýǵa alynǵany týraly Grýzııa syrtqy ister mınıstrliginen resmı habar kelgen joq. Sondyqtan, jol-kólik apatyna bizdiń otandasymyz kináli bolǵanyn rastaı almaımyn», dedi Ánýar Jaınaqov.
Aıta keteıik, Grýzııada Qazaqstan azamaty júrgizip kele jatqan júk kóligi jol apatyna ushyrady. Apatqa kólik tirkemesiniń ajyrap ketýi sebep bolǵan. Saldarynan 5 adam opat boldy, olardyń arasynda kishkentaı qyz bala men júkti áıel bar. Qaza tapqandardyń barlyǵy bir otbasynyń múshesi bolǵan. Atalmysh januıanyń taǵy bir múshesi aman qaldy, ol aýrýhanaǵa jetkizildi. Qazaqstan azamaty qamaýǵa alyndy.