Ulttyq saıasattyń jemisi

Memleket basshysynyń atyna Ońtústik Qazaqstan oblysy, Tóle bı aýdanynyń qurmetti azamaty, bilim berý salasynyń ardageri Svetlana Sergeevna Homenkodan hat keldi, dep habarlady Qazaqstan Respýblıkasy Prezı­dentiniń baspasóz qyzmeti. Avtor óz hatynda Elbasy N.Á.Nazarbaevty alda kele jat­qan el Táýelsizdiginiń 20 jyl­dy­ǵymen quttyqtaı otyryp, jańa Qazaqstannyń qaryshtap damýy jáne álemdik arenadaǵy bedeliniń kún sanap ósip otyr­ǵany, eń aldymen, Prezıdenttiń esimimen tikeleı baılanysty ári eren eńbeginiń nátıjesi ekenin zor maqtanysh sezimmen jazady. Odan ári hatta bylaı delingen: «Qazaqstan búginde Siz jáne keleshek urpaqtar maqtan etetin óz tarıhynyń jańa betterin jazýda. Búgingi bizdiń res­pýblıkamyz – kúlli álemge ta­nyl­ǵan, ashyq jáne gúldengen el. 90-jyldardaǵy Qazaqstan men búgingi Qazaqstannyń ara­syn­da qanshama orasan aıyrma­shy­lyqtar bar deseńizshi! Ol kezde qalaı ómir súremiz dep alańdadyq, al qazir jaqsy ómir súrip kelemiz. Ol ýaqytta kúı­re­gen ekonomıkanyń qaı ba­ǵyt­qa burylatynyn bilmeı sar­sań­ǵa tústik, al qazir elimiz kóz al­dy­myzda órkendep keledi. 90-jyl­dary Sizdiń «Qazaqstan-2030» Strategııańyzben eń alǵash tanysqanym esimde. Shynyn aıtsam, ol ýaqytta jolymyzda talaı qıyndyqtar turǵan­dyq­tan, kúrdeli kezeńder bol­ǵan­dyq­tan, Strategııanyń iske asatynyna sený ońaı emes-ti. Alaıda, Siz bolashaq urpaqtar úshin úlken jetistikterge jetetin memleketti jańadan qura­ty­nyńyzǵa sengen, aldaǵyny 100-200 jyl buryn kóre biletin qaıratker adamdar qatarynan ekenińizdi endi bilip otyrmyz. Osynshama qysqa merzimde biz­diń elimiz tańdanarlyq jetistikterge qol jetkizgenine súı­si­nemiz. Qazaqstandyqtardyń kirisi artýda, eńbekaqy men zeı­net­aqy kólemi ósýde. Biz, bilim berý salasynyń ardagerleri Qa­zaqstanda zamanaýı mektepter paıdalanýǵa berilip, ol bilim ordalaryna oqýshylar  men muǵalimderdiń zor qýa­nysh­­­­pen kirip jatqandaryn kórip, shattanýdamyz. 1997 jyly Siz orta bilim berý júıesin aqpa­rat­tan­dyrý memlekettik baǵdarlamasy týraly aıttyńyz. Qazir bul sóz shyndyqqa aınaldy. Bizdiń res­pýb­lıkanyń barlyq mektepteri, ásirese, aýyldyq jáne qala mektepteri kompıýtermen jabdyq­tal­ǵan, ınternet júıesine qo­sylǵan. Bul – zor jetistik. О́zińiz únemi aıtatyndaı, XXI ǵasyr –    jańa tehnologııalar men kommýnıkasııa ǵasyry. Jastarymyzǵa jańa tehnologııany meńgerý úshin memleket tarapynan barlyq qam­qorlyqtar jasalýda. Men pedagog, Qazaqstan azamatshasy, ana jáne áje retinde Sizben tolyq kelisemin, laıyqty bilim alý – Qa­zaq­stannyń básekege qabilettiligin qamtamasyz etýge múmkindik beretin mańyzdy qural». Hat ıesi odan ári elimizde ty­nyshtyqtyń, beıbitshilik pen keli­simniń, ártúrli ult ókilderi ara­syn­da ózara túsinistik pen yn­tymaqtastyqtyń ornaýy Qazaq­stan­daǵy ulttyq saıasattyń jemisi ekenin aıta kelip, Elbasynyń el múddesi jolyndaǵy qyzmetine tolaıym tabys, baqyt jáne zor densaýlyq tileıdi.