Búgin Jańaqorǵan aýdanynda qazaq kúresinen túıe palýandar arasyndaǵy Eńbek ardageri M.Nálibaevty eske alýǵa arnalǵan III halyqaralyq týrnırdiń aqtyq saıysy ótti. Oǵan Qyrǵyzstan, О́zbekstan jáne Qazaqstan respýblıkasynyń palýandary qatysyp, ózara baq synasty.
Sharaǵa Qyzylorda oblysynyń ákimi Qyrymbek Kósherbaev, QR Mádenıet jáne sport vıse-mınıstri Asqar Batalov qatysyp, jeńimpazdardy quttyqtady jáne olarǵa baǵaly syılyqtar tabys etti.
Qazaq kúresinen túıe palýandar arasyndaǵy Eńbek ardageri M.Nálibaevty eske alýǵa arnalǵan III halyqaralyq týrnır nátıjesinde I oryndy (1 mln. teńge) Almatys oblysynan Rýslan Ábdirazaqov ıelense, II oryndy (500 myń teńge) jambyldyq Aıdos Teńgebaev qanjyǵasyna baılady. Al III oryndy (300 myń teńge) О́zbekstannan kelgen Ihtıor Halmýradov qanaǵat tutty.
Esterińizge sala keteıik, «Qazaqstan barysynyń» alǵashqy jeńimpazy bizdiń oblysymyzdan shyqsa, bıyl Astana qalasynda qazaq kúresinen ótken «Qazaqstan barysy» respýblıkalyq týrnırinde jerlesimiz Elaman Erǵalıev jeńis tuǵyryna kóterilip, oblys abyroıyn taǵy bir asqaqtatqan bolatyn.