Parlament Senatynyń Tóraǵasy Qasym-Jomart Toqaev Pagýosh ǵalymdar qozǵalysynyń Astanadaǵy 62-shi konferensııasynyń aıasynda birqatar kezdesýler ótkizdi.
Ǵylym jáne halyqaralyq ister jónindegi Pagýosh ǵalymdar qozǵalysynyń prezıdenti Djaıant Danapalamen kezdesýde konferensııa ıadrolyq qaqtyǵystardyń týyndaý qaýpin tómendetý joldaryn izdestirýde jańa serpin bergeni atap ótildi. D.Danapala pikirsaıystardyń mazmundylyǵyn jáne osy forýmnyń joǵary deńgeıde uıymdastyrylǵanyn atap ótti, sondaı-aq osyndaı aýqymdaǵy konferensııany Astanada ótkizgeni úshin Qazaqstanǵa alǵys aıtty.
Iаdrolyq synaqqa jalpyǵa birdeı tyıym salý týraly shart uıymy Daıarlaý komıssııasynyń (IаSJTShU) Atqarýshy hatshysy Lassına Zerbomen Qazaqstan jáne IаSJTShU-nyń yntymaqtastyǵynyń keleshegi talqylandy.
Q.Toqaev Qazaqstan men IаSJTShU-nyń ózara nátıjeli is-qımylyna joǵary baǵa berdi, Iаdrolyq synaqtarǵa monıtorg júrgizetin halyqaralyq júıeniń qazaqstandyq sektoryn qurýdaǵy Uıymnyń kómegine rızashylyǵyn bildirdi. L.Zerbo halyqaralyq qaýipsizdik jáne ıadrolyq qarýlardy taratpaý salasyndaǵy Prezıdent N.Nazarbaevtyń bastamalarynyń jahandyq mańyzyn atap ótti.
BUU Bas Hatshysynyń burynǵy orynbasary, Qarýsyzdaný jónindegi burynǵy joǵary mártebeli ókili Serhıo Dýartemen kezdesý barysynda halyqaralyq kún tártibindegi, onyń ishinde halyqaralyq terrorızm men ıadrolyq qarýdy taratpaý máseleleri talqylandy. S.Dýarte 29 tamyzda Qazaqstanda MAGATE-niń Tómen baıytylǵan ýran bankiniń ashylýynyń mańyzdylyǵyn atap ótti. Bul álem qoǵamdastyǵynyń qoldaýynyń jáne ıadrolyq qarýdan azat álem qurýǵa teńdesi joq úles qosqan memleket retinde Qazaqstanǵa degen bıik senimniń arqasynda múmkin boldy.