Keshe Muhtar Qul-Muhammed Qaraǵandy oblysyna bardy

Sapar barysynda M.Qul-Muhammed Qaraǵandy oblysynyń ákimi Erlan Qoshanovpen birge «Rıger» JShS mamandandyrylǵan kólik-logıstıkalyq or­ta­lyǵyna bardy. Bul jerde dári-dármek­ter men medısınalyq zattar saq­talady. Mem­leket tarapynan kásip­ker­lerge qol­daý kórsetilip, 17 mln teńgege atalǵan nysan­nyń qa­jetti ınfraqurylymy júrgi­zilgen. Son­daı-aq, joba­nyń nesıe boıynsha syı­aqy mólsher­lemelerine de sýbsıdııa berilmek.

Ortalyq dırektorynyń orynbasary Aıan Rysbekovtiń aıtýynsha, keshen osy sa­la­daǵy jetekshi óndirýshiler – Aýstrııa jáne Reseıden ákelingen zamanaýı qon­­dy­rǵylarmen jabdyqtalǵan. Sondaı-aq, jumys úderisiniń tıim­diligin arttyrý úshin toly­ǵymen avtomattandyrylǵan basqarý júıesi engizilgen. Bul medı­sınalyq preparattardy jet­kizýshiden tutynýshyǵa deıingi tasymaldaý kezeńinde olar­dyń sapasynyń joǵary deń­geıde saqtalýyna kepildik beredi. Jobanyń jalpy quny – 1 mlrd 372 mln teńge. Osy rette keshenniń basty tutynýshylary Qazaqstannyń iri farmasevtıkalyq kompanııalary ekenin de atap ótken jón. Bul jóninde A.Rysbekov: «Bizdiń ortalyq Qazaqstannyń barlyq óńirine dári-dármek jiberedi. Olardyń ishinde oblys ortalyqtarynan bólek aýdan ortalyqtary da bar. Munda 7 myń palletalyq oryn bar. Bul degenińiz óte úlken kórsetkish. Sondyqtan da bizdiń keshen Ortalyq Qazaqstan boıynsha eń iri logıstıkalyq ortalyq bolyp sanalady», – dedi.

«Nur Otan» partııasy Tór­aǵasynyń birinshi orynbasary logıstıkalyq ortalyqtyń ujy­mymen kezdesip, olardyń atqaryp otyrǵan jumystaryna joǵary baǵa berdi jáne elimizde osyndaı zamanaýı keshender turǵyzylyp, halyqtyń turaqty jumyspen qamtylýy Elbasymyzdyń eren eńbeginiń jemisi ekenine nazar aýdardy.

Sonymen qatar, Muhtar Qul-Mu­ham­med jańadan iske qosylǵan «Recycling­Company» eskirgen kólikterdi joıý zaýytynda bolyp, eńbek ujymymen kezdesti. Ol jerde avtokóliktermen qatar paıdalanýǵa jaramaıtyn arnaıy jáne aýylsharýashylyq tehnıkalary da qaıta óńdeledi. «Saryarqa» arnaıy ekonomıkalyq aımaǵynda ornalasqan zaýyttyń Ortalyq Azııada eshqandaı balamasy joq. Mundaǵy ındýksııalyq balqytý peshiniń bir jyldyq jobalyq qýaty 22740 tonnaǵa deıin jetedi. Bul bir jylda 50 myń eski avtomobıl qaıta óńdeledi degen sóz. Sol arqyly avtoqaldyqtardan peshtik otyndar, shoıyn, bolat, alıýmınıı, túrli-tústi metall quımalary jáne rezeńke qıyndylary daıyndalady. Atalǵan joba negizinen qorshaǵan ortany qorǵaý jáne halyqtyń densaýlyǵyn saqtaýǵa, sondaı-aq, qaldyqtardyń jınalýy saldarynan bolatyn jaǵymsyz áserdiń aldyn alý men ony azaıtýǵa baǵyttalǵan. Zaýyttyń basqarýshy dırektory Ázimjan Ospannyń sózine súıensek, kásiporyn qaıta óńdeý salasy boıynsha Qazaqstandaǵy eń iri jobalardyń biregeıi. «Bul árıne Elbasymyzdyń Qaraǵandy óńirine jasaǵan úlken qamqorlyǵy men qoldaýynyń nátıjesi. Sol úshin de biz Memleket basshysynyń barlyq bastamasyn tıimdi júzege asyrýǵa tikeleı múddelimiz. О́ndiris orny 2015-2019 jyldarǵa arnalǵan ın­dýstrııalyq-ınnovasııalyq da­mý baǵ­darlamasy aıasynda is­ke qo­sylǵan. Jobanyń jalpy quny 3,4 mlrd teńgeni quraıdy. Zaýyty­myz tek Qaraǵandy oblysy ǵa­na emes, búkil Qazaqstan úshin asa zor mańyzǵa ıe. Sebebi, búgind­e elimizde 5 mln-nan astam avto­mobıl tirkelse, sonyń úshten biri ábden tozyǵy jetip, joıýǵa suranyp tur», – deıdi kásiporyn basshysy.

Sondaı-aq, ol jyl sońyna deıin eski kólikterdi óńdeý jumystarynyń tolyq sıkli iske qosylatynyn jetkizdi. Zaýyttyń ekinshi bóligi avtokólikten aqqan janarmaı, maı sııaqty zııandy suıyq­tyqtardy joıý jumysyna baǵyttalmaq.

Odan bólek, Muhtar Qul-Muhammed kenshiler óńirindegi taǵy bir zamanaýı kásiporyn – «Izoplıýs Ortalyq Azııa» JShS-ge bardy. Munda qubyrlardy ızolıasııalaý jumystary júrgiziledi. Zaýyttyń basty ereksheligi ónim sapasynyń álemdik standarttarǵa tolyǵymen saı bolýynda. Sondaı-aq, óndiris oshaǵy «jasyl tehnologııaǵa» negizdelgen. Sonyń nátıjesinde bul jerden aýaǵa zııandy qaldyqtar taralmaıdy. Zaýyttyń ónimderi jylý qubyrlarynan bastap, munaı qubyrlaryn júrgizýge deıin qoldanylady. Sol sebepti de «Izoplıýs» ónimderine elimizdiń ár óńirinen suranystar kóptep túsýde. Kásiporynǵa memleket tarapynan tıisti qoldaýlar turaqty kórsetilip keledi. «Saryarqa» arnaıy ekonomıkalyq aımaǵynda ornalasqan «Izoplıýs» JShS búginde 50 adamdy turaqty jumyspen qamtyp otyr.

Jalpy, Qaraǵandy oblysynyń óńdeý jáne óndirý salasy boıynsha elimizde alǵashqy orynda ekenine eshkimniń talasy joq. Oǵan dálel retinde Qazaqstandaǵy óńdeý salasynyń besten bir bóligin osy oblys qamtamasyz etetinin aıtsaq ta jetkilikti. Naqty aıtqanda, Qaraǵandy óńirinde 2017 jyldyń qańtar-shilde aılarynda óndiris kólemi 950 mlrd teńgeden asyp, 3,6 paıyzǵa kóbeıgen. Oblys ekonomıkasynyń qarqyndy damýy­na mysal bolarlyq budan basqa da jetistikter jetip-artylady. Sonyń ishinde jalpy aımaqtyq ónim (JAО́) kóleminiń jartysyna jýyǵyn (47,4 paıyz) ónerkásip salasy qamtamasyz etetinin erekshe atap ótken jón. О́nerkásip ónimderiniń óndiris kólemi de turaqty túrde ósip, 2017 jyldyń birinshi jarty jyldyǵy boıynsha 10 paıyzdy qurady. Osylaısha bul kórsetkish boıynsha Qaraǵandy oblysy elimizde ekinshi orynǵa taban tirep tur. Odan bólek, óńdeý ónerkásibindegi eńbek ónimdiligi 5,1 paıyzǵa ósken. Egistik alqaby da 76 myń gektarǵa artqan. 2016-2019 jyldarǵa arnalǵan bilim men ǵylymdy damytý memlekettik baǵdarlamasyn júzege asyrý barysynda oblysta 2600 oryndyq 20 jańa mektepke deıingi mekeme ashyldy. Densaýlyq saqtaý salasy boıynsha da bul óńirde aıtarlyqtaı jetistikterge qol jetkizilgen.

«Nur Otan» partııasy Tóraǵasynyń birinshi orynbasary óńirde ashylǵan jańa kásiporyndardyń mańyzy men tıimdiligin laıyqty baǵalap, Elbasy aıqyndap bergen basym baǵyttardy sátti júzege asyrý úshin barlyq kúsh-jigerimizdi jumsaýymyz kerek ekenin aıtty. Bul jóninde Muhtar Qul-Muhammed: «Elbasymyz búkil elimizge, árbir qazaqstandyqqa qajet jaǵdaıdyń bárin jasady. «Qazaqstan-2050» Stra­te­gııa­sy qabyldandy, «100 naqty qadam» Ult jospary bekitildi. Olardy júzege asyrý úshin jyl saıyn trıllıondaǵan teńge qarajat bólinýde. Endi bizge tek bi­lek sybanyp jumys isteý ǵana qaldy. Búgin men Qaraǵandy oblysynda Elbasy tap­syr­malarynyń tabys­ty oryndalǵanynyń kýási boldym», – dedi.

Rasymen prezıdenttik baǵ­darlamalar arqyly Qazaqstannyń barlyq óńirinde óndiris salasynyń qarqyny aıtarlyqtaı kúsheıdi. Sonyń nátıjesinde halyqtyń jaǵdaıy jaqsaryp, ómir súrý sapasy artty. Bul elimizde júzege asyrylyp jatqan úshinshi jańǵyrtýdyń oń nátıjesi ekeni daýsyz.

Elaman MAQSOTULY