2011 jylǵy 24 tamyz, Astana qalasy
Qazaqstan Respýblıkasynyń qurama komandalaryn jasaqtaý men daıarlaýdy uıymdastyrý jónindegi nusqaýlyqty bekitý týraly
Qazaqstan Respýblıkasy 1999 jylǵy 2 jeltoqsandaǵy «Dene shynyqtyrý jáne sport týraly» Zańynyń 23-baby 2) tarmaqshasyna, Qazaqstan Respýblıkasy Úkimetiniń 2006 jylǵy 26 sáýirdegi «Qazaqstan Respýblıkasy Týrızm jáne sport mınıstrliginiń máseleleri» № 329 qaýlysyna sáıkes buıyramyn:
1. Qosa berilgen Qazaqstan Respýblıkasynyń qurama komandalaryn jasaqtaý men daıarlaýdy uıymdastyrý jónindegi nusqaýlyq bekitilsin.
2. Strategııalyq josparlaý departamenti (D. Qamzebaeva) Qazaqstan Respýblıkasy Ádilet mınıstrligine osy buıryqty memlekettik tirkeýge usynýdy qamtamasyz etsin.
3. Ákimshilik jumys departamenti (Ǵ.Ábilova) osy buıryq Qazaqstan Respýblıkasy Ádilet mınıstrliginde memlekettik tirkeýden ótkennen keıin ony buqaralyq aqparat quraldarynda resmı jarııalaýdy qamtamasyz etsin.
4. «Qazaqstan Respýblıkasynyń qurama komandalaryn jasaqtaý men daıarlaýdy uıymdastyrý jónindegi Nusqaýlyqty bekitý týraly» Qazaqstan Respýblıkasynyń Týrızm jáne sport jónindegi agenttigi tóraǵasynyń 2004 jylǵy 1 naýryzdaǵy № 06-2-2/69 (normatıvtik quqyqtyq aktilerdiń memlekettik tiziliminde № 2877 bolyp tirkelgen. Qazaqstan Respýblıkasy ortalyq atqarýshy jáne ózge de memlekettik organdarynyń normatıvtik quqyqtyq aktileri bıýlleteninde jarııalanǵan, 2004 j., № 25-28, 939-qujat) buıryǵynyń kúshi joıyldy dep tanylsyn.
5. Osy buıryqtyń oryndalýyn baqylaý vıse-mınıstr M.E. Omarovqa júktelsin.
6. Osy buıryq resmı jarııalanǵan qúninen bastap kúntizbelik on kún ótken soń qoldanysqa engiziledi.
Mınıstr T. ERMEGIIаEV
Qazaqstan Respýblıkasy Týrızm jáne sport mınıstriniń
2011 jylǵy 24 tamyzdaǵy №02-02-18/169 buıryǵymen bekitilgen
Qazaqstan Respýblıkasynyń qurama komandalaryn
jasaqtaý men daıarlaýdy uıymdastyrý jónindegi nusqaýlyq
1. Jalpy erejeler
1. Osy Qazaqstan Respýblıkasynyń qurama komandalaryn jasaqtaý men daıarlaýdy uıymdastyrý jónindegi nusqaýlyq (budan ári - Nusqaýlyq) «Dene shynyqtyrý jáne sport týraly» Qazaqstan Respýblıkasy Zańynyń 23 babynyń 2) tarmaqshasyna, «Qazaqstan Respýblıkasy Týrızm jáne sport mınıstrliginiń máseleleri» Qazaqstan Respýblıkasy Úkimetiniń 2006 jylǵy 26 sáýirdegi № 329 qaýlysyna sáıkes ázirlengen.
2. Osy Nusqaýlyqta mynadaı uǵymdar qoldanylady:
1) aǵa jattyqtyrýshy – Qazaqstan Respýblıkasynyń qurama komandalardyń jastar (rezervtik) quramasy úshin jaýap beretin jattyqtyrýshy;
2) bas jattyqtyrýshy – Qazaqstan Respýblıkasynyń ulttyq qurama komandasyna basshylyq jasaýǵa, sport túri boıynsha álem chempıonattarynda, Azııa, jáne Olımpıada oıyndarynda jáne basqa da halyqaralyq jarystarda onyń daıarlyǵyna, qalyptasýy men saıysqa túsýine jaýap beretin jattyqtyrýshy;
3) jyldyń basty jarystary – Qazaqstan Respýblıkasynyń chempıonattary, Qazaqstan Respýblıkasynyń spartakıadasy;
4) jattyqtyrýshylar keńesi – sportshylar men komandalardy sport jarystaryna qatysýǵa daıarlaý ádistemesine usynymdar ázirleý úshin bas jattyqtyrýshy, memlekettik jattyqtyrýshy, aǵa jattyqtyrýshylardan, sport túrleri boıynsha qurama komandalardyń dárigerlerinen, dene shynyqtyrý jáne sport salasyndaǵy ǵalymdardan, dene shynyqtyrý jáne sport salasyndaǵy qoǵamdyq birlestikter ókilderinen qurylǵan, sport túrleri boıynsha respýblıkalyq federasııalardyń keńesshi organy;
5) nysanaly keshendi baǵdarlama – sporttyq uıymdardyń kúsh-qımylyn maqsatty jáne tıimdi bólýge, biliktiligi joǵary sportshylardy tárbıeleýdiń basty baǵyttaryna nazar aýdarýǵa múmkindik beretin, oqý-jattyǵý, ǵylymı-ádistemelik jáne medısınalyq qamtamasyz etý, materıaldyq-tehnıkalyq bazany, tárbıelik jáne patrıottyq jumysty damytýdy qosa alǵanda, olıpııadalyq sıklǵa sportshylardy daıarlaý jónindegi máselelerdi keshendi sheshýge arnalǵan perspektıvaly jospar;
6) memlekettik jattyqtyrýshy – Qazaqstan Respýblıkasynda sport túrin damytýǵa jáne ony basqarýǵa jaýapty jattyqtyrýshy;
7) sportshy – sportpen júıeli shuǵyldanatyn jáne sport jarystaryna qatysatyn jeke tulǵa.
3. Qazaqstan Respýblıkasynyń qurama komandalary - sportshylardyń, jattyqtyrýshylardyń, otandyq jáne sheteldik mamandardyń, dene shynyqtyrý-sport jáne medısına uıymdarynyń basqa da qyzmetkerleriniń ujymdary sporttyń túrleri boıynsha qoǵamdyq birlestikterdiń quramdas bóligi bolyp tabylady, halyqaralyq jarystarǵa daıarlyq jáne olarǵa Qazaqstan Respýblıkasynyń Memlekettik týy astynda qatysý maqsatynda qurylady.
4. Ártúrli sport túrleri boıynsha túrinen Qazaqstan Respýblıkasynyń qurama komandalary, dene shynyqtyrý jáne sport jónindegi ýákiletti organ (budan ári - ýákiletti organ) bekitken arnaıy normatıvterdi oryndaǵan sportshylardyń arasynan sport túrleri boıynsha tıisti respýblıkalyq federasııalardyń, jattyqtyrýshylar keńesiniń, Qazaqstan Respýblıkasynyń dene shynyqtyrý-sport uıymdarynyń usynystaryn eskere otyryp, konkýrstyq negizde qurylady.
5. Sport túrleri boıynsha Qazaqstan Respýblıkasynyń qurama komandasy negizgi jáne jastar (rezervtik) quramynan quralady.
Respýblıkalyq jáne halyqaralyq jarystardyń jeńimpazdary jáne júldegerleri sport túrinen Qazaqstan Respýblıkasynyń negizgi jáne jastar (rezervtik) qurama komandasyna múshelikke úmitkerler bolyp tabylady.
Qazaqstan Respýblıkasy qurama komandalarynyń negizgi jáne jastar (rezervtik) quramalaryna múshe sportshylar óz qatarlarynan komanda kapıtanyn saılaıdy. Komanda kapıtany oqý-jattyǵý prosesi men jarys kezinde qurama komandanyń músheleri men komanda basshylyǵy arasynda negizgi dáneker bolady.
6. Negizgi jáne jastar (rezervtik) kontıngentiniń sandyq quramyna:
1) sporttyń olımpıadalyq túrleri boıyesha: úsh quram;
2) sporttyń olımpıadalyq emes túrlerinen: eki kuram;
3) sporttyń oıyndy (olımpıadalyq, olımpıadalyq emes) túrlerinen: bir jarym quram qabyldanady.
7. Qazaqstan Respýblıkasy qurama komandalarynyń negizgi maqsattary:
1) Qazaqstan Respýblıkasynyń álemdik sporttyq qoǵamdastyqtaǵy bedelin odan ári nyǵaıtý úshin álemdik sport arenalarynda aldyńǵy qatarly ustanymdardy jeńip alý;
2) ártúrli deńgeıdegi sporttyq is-sharalarǵa qatysý, Olımpıadalyq jáne halyqaralyq sporttyq qozǵalysty Qazaqstan Respýblıkasynda jáne odan basqa jerlerde nasıhattaý;
3) halyqaralyq sporttyq jarystarǵa qatysý arqyly halyqtar arasyndaǵy dostyq pen ózara túsinisýshilikti nyǵaıtý.
8. Qazaqstan Respýblıkasy qurama komandalarynyń negizgi mindetteri:
1) Azııa, Olımpıada, Paraolıpııada jáne Sýrdolımpıada oıyndarynda, Ýnıversıadalarǵa, álem, Azııa, Eýropa chempıonattary men Kýboktaryna jáne basqa halyqaralyq jarystarǵa daıyndalý men tabysty óner kórsetý;
2) sportshylardyń sporttyq sheberligin odan ári jetildirý;
3) Qazaqstan sportynyń halyqaralyq arenadaǵy bedelin arttyrý;
4) sportshylardy patrıottyqqa tárbıeleý jáne dene shynyqtyrýdy jáne sportty nasıhattaý;
5) komandany, sport túriniń jaqsy dástúrlerin saqtaıtyn, aǵa urpaqtyń tájirıbesi men jetistikterin eskeretin ujymdy qalyptastyrý;
6) sportshylardy daıarlaýdyń, oqý-jattyǵý prosesin ǵylymı jáne medıko-bıologııalyq qamtamasyz etýdiń ádistemesin jetildirý;
7) óskeleń urpaqty sportpen júıeli shuǵyldanýǵa tartý.
2. Qazaqstan Respýblıkasy qurama komandalarynyń quramy
9. Sport túrleri boıynsha tıisti qoǵamdyq birlestikter (federasııalar) jyldyń basty jarystarynyń nátıjelerin eskere otyryp, Qazaqstan Respýblıkasynyń qurama komandasy músheligine úmitkerler arasynda konkýrs ótkizedi. Konkýrs qoldanystaǵy zańnamaǵa sáıkes ótkiziledi. Mindetti konkýrstyq talaptar:
1) arnaıy normatıvterdi oryndaý (jyldyń basty jarystarynda kórsetilgen sporttyq jetistikter);
2) densaýlyq jaǵdaıy týraly anyqtama usyný (sportshylar úshin sporttyq medısına jáne ońaltý ortalyǵynyń medısınalyq qortyndysyn usyný);
3) sotty bolǵandyǵy nemese bolmaýy týraly anyqtama usynýy.
Osy qujattardyń koshirmeleri, konkýstyq komıssııanyń otyrysynyń hattamasy jáne úmitkerleriniń tizimi Qazaqstan Respýblıkasy qurama komandasynyń quramyn bekitý kezinde ýákiletti organǵa joldanady. Ýákiletti organ Qazaqstan Respýblıkasynyń qurama komandasyna úmitkerlerdi qarastyratyn komıssııany qurady jáne bekitedi.
Qazaqstan Respýblıkasy qurama komandasynyń quramyn bekitetin komıssııa bes adamnan turady:
1) ýákiletti organnyń eki ókili;
2) sport túri (túrleri) boıynsha memlekettik jattyqtyrýshy;
3) Shatattyq ulttyq komandalar dıreksııasynyń eki ókili.
10. Sportshylar, jattyqtyrýshylar, otandyq jáne sheteldik mamandar, dene shynyqtyrý-sport jáne medısına uıymdarynyń basqa da qyzmetkerleri ýákiletti organ sheshimimen Qazaqstan Respýblıkasy qurama komandalaryna músheligine úmitker retinde bekitiledi.
11. Ýákiletti organ Qazaqstan Respýblıkasy qurama komandasynyń quramyn, sporttyń jazǵy túrleri boıynsha, ár jyldyń 31-shi jeltoqsanyna deıin, qysqy túrleri boıynsha, ár jyldyń 20 mamyryna deıin bekitedi.
12. Qurama komandalardyń mártebesin jáne sportshylardyń jaýapkershiligin arttyrý maqsatynda negizgi jáne jastar (rezervtik) quramyndaǵy sportshylar arasynan ujymǵa qurama komandanyń jańa múshelerin saltanatty túrde qabyldaýdy 1 qosymshaǵa sáıkes, Qazaqstan Respýblıkasy qurama komanda múshesiniń antyn qabyldaıdy.
13. Qazaqstan Respýblıkasy qurama komandasynyń múshesi sporttyq nátıjelerdi tómendetkeni, jeke josparlar men belgilengen normatıvterdi júıeli oryndamaǵany, tyıym salynǵan preparattardy qoldanǵany, shart talaptaryn buzǵandyǵy úshin komanda quramynan shyǵarylady.
3. Qazaqstan Respýblıkasynyń qurama komandalaryn daıarlaý
14. Sport túrinen Qazaqstan Respýblıkasynyń qurama komandasyn basqarýdy bas jattyqtyrýshy júzege asyrady jáne sport túrinen jattyqtyrýshylar keńesi basqarady.
15. Bas jattyqtyrýshy sport túrlerinen qurama komanda músheleriniń daıarlyǵy jónindegi jumysty uıymdastyrady jáne qurama komandaǵa múshe - sportshylardyń jarystarǵa qatysýynyń nátıjelerine únemi taldaý júrgizedi. Daıarlyqtyń nsanaly ári keshendi baǵdarlamalaryn (budan ári - baǵdarlama) iske asyrý jóninde jumystar júrgizedi. Bas jattyqtyrýshynyń jumysy oqý-jattyǵý jıyndaryn uıymdastyrýǵa jáne halyqaralyq jarystarǵa qatysýǵa, komanda quramyndaǵy tárbıe jumystaryna jáne komanda quramynda psıhologııalyq ahýal jasaýǵa baǵyttalǵan.
16. Qazaqstan Respýblıkasy qurama komandasyna múshe sportshynyń jeke jattyqtyrýshysy Qazaqstan Respýblıkasy qurama komandasyna ortalyqtandyrylǵan daıarlyq úshin ýaqytsha issaparǵa jiberilýi múmkin. Jeke jattyqtyrýshy Qazaqstan Respýblıkasy qurama komandasynan tys jerde sportshynyń jeke daıyndyq josparyn oryndaǵany úshin jeke ózi jaýap beredi.
17. Sport dárigeri Qazaqstan Respýblıkasy qurama komandasyna múshe sportshynyń densaýlyǵyn qadaǵalaıdy, jattyqtyrýshylar quramyna sportshynyń hal-jaıy jáne usynylatyn jattyǵý júktemeleri jóninde usynystar beredi, medıko-bıologııalyq, qalpyna keltirý sharalary men emdeýdi, sondaı-aq sportshyny teńgerimdi tamaqtandyrýdy, oqý-jattyǵý jıyndary men jarystar ótetin oryndardyń sanıtarlyq-tazalyq jaǵdaıyn baqylaýdy júzege asyrady.
18. Qazaqstan Respýblıkasy qurama komandasynyń massajshysy sport dárigeriniń nemese bas dárigerdiń ádistemelik basshylyǵymen jumys isteıdi.
19. Qazaqstan Respýblıkasy qurama komandasyn ǵylymı-ádistemelik qamtamasyz etý úshin tartylatyn mamandar sportshylardy daıarlaý jóninde ádistemelik kómek kórsetedi, onyń fýnksıonaldyq jáne tehnıkalyq deńgeıine aǵymdaǵy baqylaýdy júzege asyrady. Bas jattyqtyrýshymen, jattyqtyrýshylar keńesimen birlesip daıyndyqtyń baǵdarlamany jáne jeke josparlardy ázirleýge qatysady.
20. Qazaqstan Respýblıkasy qurama komandasyna tartylatyn basqa da mamandar (qarý jáne keme sheberleri, mehanıkter, atbegiler jáne taǵy basqalar) ózderiniń laýazymdyq nusqaýlyqtary men biliktilik minezdemelerindegi talaptarǵa sáıkes jumystardy oryndaıdy.
Qazaqstan Respýblıkasy Týrızm jáne sport mınıstriniń
2011 jylǵy 24 tamyzdaǵy №02-02-18/169 buıryǵymen bekitilgen
Qazaqstan Respýblıkasynyń qurama komandalaryn jasaqtaý
men daıarlaýdy uıymdastyrý jónindegi nusqaýlyqqa 1 qosymsha
Nysan
Qazaqstan Respýblıkasynyń qurama komandasy múshesiniń
ANTY
Men, (T.A.Á), meni ______________________________________ (sport túri) Qazaqstan Respýblıkasynyń qurama komandasyna qabyldaýdy memlekettiń kórsetken erekshe senimi retinde baǵalaı jáne ózimniń jaýapkershiligimdi sezine otyryp:
- asa joǵary nátıjelerge jetý úshin ózimniń jeńiske degen bar kúsh-jigerimdi jumsaı otyryp, sport arenasynda bizdiń Otanymyzdyń namysyn laıyqty qorǵaý úshin sporttyq sheberligimdi únemi jetildirýge;
- sport jarystarynda adal kúresýge, jarys erejelerin qatań saqtaýǵa, dopıngke qarsy kodeksti ustanýǵa jáne tyıym salynǵan zattardy paıdalanbaýǵa;
- sporttaǵy tálimgerlerdiń barlyq nusqaýlary men talaptaryn oryndaýǵa, jattyqtyrýshy-oqytýshylar quramyna, komanda múshelerine, básekelesterge, tóreshilerge, kórermender men jankúıerlerge syılastyqpen qaraýǵa;
- ózimniń barlyq qareketimde sporttyq ádep erejelerin basshylyqqa alýǵa saltanatty túrde ant etemin.
Meniń osy antty buzýym Qazaqstan Respýblıkasy qurama komandasynyń múshesi degen joǵary ataqpen syıyspaıtyndyǵyn uǵynamyn.
__________________ ______________
Tegi Aty Ákesiniń aty (kúni)
Buıryq Qazaqstan Respýblıkasynyń Ádilet mınıstrliginde 2011 jylǵy 22 qyrkúıektegi Normatıvtik-quqyqtyq kesimderdi memlekettik tirkeýdiń tizilimine №7193 bolyp engizildi.