Jaqynda shalǵaıdaǵy Katonqaraǵaıdyń aýdandyq aýrýhanasy BUU Damý baǵdarlamasynyń kómegimen jańa qurylǵy men jańa kólikke ıe boldy.
Qanatqaqty jobaǵa oblystaǵy úsh emhana enipti. «Biz buǵan deıin emhanada paıdalanylǵan shprısterdi Zyrıan aýdanyna aparyp, arnaıy peshterde jaǵatynbyz. Endi qoldanylǵan shprısterdi burynǵydaı órtemeımiz. Arnaıy qoıylǵan qurylǵyǵa salyp, 134 gradýs temperatýrada 40 mınýt boıy qyzdyrǵannan keıin olar tap-taza bolyp shyǵady. Mundaı qurylǵylardy odan keıin de kádege jaratýǵa bolady. Qazir tazalanyp shyqqan shprısterdi qabyldaıtyn jerlerdi izdestirip jatyrmyz», deıdi Úlken Naryn aýylynda ornalasqan aýdandyq aýrýhananyń bas dárigeri Sáýle Baıgereeva.
Jańa úlgidegi ıtalııalyq qurylǵy kompıýtermen basqarylady. Qurylǵyny ornatý úshin tıisti talaptarǵa saı keletin arnaıy bólme ázirlengen. Joba menedjerleri qurylǵymen birge birneshe konteıner de berdi. «Konteınerler ǵana emes, bizdiń emhanaǵa osy konteınerlerdi tıep alyp, aýyl-aýyldy aralap, paıdalanylǵan shprısterdi jınaıtyn arnaıy kólik tartý etti. Endi ózimizden bólek basqa aýdandarǵa da qyzmet kórsetýge múmkindik bar», deıdi bas dáriger.
Azamat QASYM, «Egemen Qazaqstan»
Shyǵys Qazaqstan oblysy, Katonqaraǵaı aýdany