2017 jyldyń mamyrynda «Eır Astana» áýe kompanııasy Áýe kóligi halyqaralyq qaýymdastyǵynyń IOSA (IATA Operational Safety Audit) eksplýatasııalyq qaýipsizdigi boıynsha altynshy aýdıtinen sátti ótti.
Alǵashqy ret áýe kompanııasy IOSA aýdıtinen 2007 jyly ótken bolatyn. Odan keıin ár eki jyl saıyn 2009, 2011, 2013, 2015 jyldary sertıfıkasııadan ótken. Kelesi aýdıt 2019 jylǵa josparlandy. IOSA eksplýatasııalyq qaýipsizdik boıynsha aýdıt – bul áýe kompanııalarynyń óndiristi basqarý jáne baqylaý júıelerin baǵalaý úshin belgilengen halyqaralyq tekserý júıesi bolyp tabylady.
Sońǵy aýdıt barysynda qujattardy táýelsiz tekserý jumystary júrgizildi jáne áýe tasymaldaýshysynyń barlyq qyzmet salasy boıynsha 1000-ǵa jýyq IOSA standarttary oryndaldy. Bul standarttarǵa korporatıvtik uıymdastyrý jáne baqylaý júıeleri, ushý saparlarynyń oryndalýy, ushýdy basqarý jáne dıspetcherlik qyzmet, ushaqtarǵa tehnıkalyq jáne jerdegi qyzmet kórsetý, borttyq kútim, júk operasııalary jáne avıasııalyq qaýipsizdik jatady. «Qaýipsizdik áýe kompanııasynyń basty basymdylyǵy jáne IOSA aýdıtiniń nátıjeleri áýe kompanııasyndaǵy qaýipsizdiktiń eń joǵarǵy halyqaralyq standarttarǵa sáıkes ekendiginiń jáne ony qamtamasyz etýge kóp kóńil bóletindiginiń aıǵaǵy bolyp tabylady», dep atap kórsetti «Eır Astana» AQ prezıdenti Pıter Foster.