Elbasy Nursultan Nazarbaevtyń Jarlyǵymen QR sot júıesi men sýdıalarynyń mártebesi týraly zańǵa ózgerister men tolyqtyrýlar engizildi. Bul týraly akorda.kz habarlady.
«Qazaqstan Respýblıkasynyń sot júıesi men sýdıalarynyń mártebesi týraly» Qazaqstan Respýblıkasynyń Konstıtýsııalyq zańynda kózdelgen erejelerdi bekitý týraly» Qazaqstan Respýblıkasy Prezıdentiniń 2001 jylǵy 26 maýsymdaǵy № 643 Jarlyǵyna ózgerister men tolyqtyrýlar engizý týraly
QAÝLY ETEMIN:
1. «Qazaqstan Respýblıkasynyń sot júıesi men sýdıalarynyń mártebesi týraly» Qazaqstan Respýblıkasynyń Konstıtýsııalyq zańynda kózdelgen erejelerdi bekitý týraly» Qazaqstan Respýblıkasy Prezıdentiniń 2001 jylǵy 26 maýsymdaǵy № 643 Jarlyǵyna mynadaı ózgerister men tolyqtyrýlar engizilsin:
1-tarmaqtyń 4) tarmaqshasy alyp tastalsyn;
joǵaryda atalǵan Jarlyqpen bekitilgen Sýdıalyqqa kandıdattyń taǵylymdamadan ótýi týraly erejede:
3-tarmaq mynadaı mazmundaǵy úshinshi bólikpen tolyqtyrylsyn:
«Sýdıa laýazymynan ókildi organdardaǵy memlekettik laýazymǵa saılanǵan ne taǵaıyndalǵan, sondaı-aq sýdıa laýazymynan sot tóreligin uıymdyq qamtamasyz etýge tikeleı baılanysty laýazymǵa taǵaıyndalǵan adamdarǵa taǵylymdamadan ótý talap etilmeıdi.»;
5-tarmaqtyń 1) tarmaqshasy mynadaı redaksııada jazylsyn:
«1) otyz jasqa tolǵan;»;
13-tarmaqtyń 2) tarmaqshasy mynadaı redaksııada jazylsyn:
«2) taraptardyń quqyqtary men mindetteri, onyń ishinde taǵylymdamashy-kandıdattyń taǵylymdamadan ótýdiń aldynda ornalasýǵa nıet bildirgen sottardaǵy sýdıalardyń bos laýazymdaryna arnalǵan konkýrsqa jalpy otyrystyń oń qorytyndysynyń qoldanysy kezeńinde qatysý jáne tıisti bos laýazymdarǵa konkýrsqa qatysýdan bas tartqan jaǵdaıda, oǵan jumsalǵan memlekettik qarajatty qaıtarý mindeti qamtylýy tıis;»;
joǵaryda atalǵan Jarlyqpen bekitilgen Sot jıýrıi týraly erejede:
25-tarmaq mynadaı redaksııada jazylsyn:
«25. Sot jıýrıiniń tóraǵasy naqty materıaldar boıynsha baıandamashyny jáne materıaldardy qaraý kúnin belgileıdi.
Sýdıanyń kásibı qyzmetin baǵalaýdy júrgizý bastalǵanǵa deıin Sot jıýrıiniń biliktilik komıssııasy qajet bolǵan kezde qosymsha tekserý júrgizedi, ony Sot jıýrıiniń tóraǵasy biliktilik komıssııasy músheleriniń birine tapsyrady, qosymsha qujattar men materıaldar, onyń ishinde qaralýy kezinde zań buzýǵa jol berilgen sot isteri suratylady.
Jumys istep júrgen sýdıanyń kásibı qyzmetin merzimdi baǵalaý kezinde biliktilik komıssııasy sýdıanyń jumysyn sot otyrysyna qatysýshylardyń baǵalaýy boıynsha taldaý nátıjelerin qosymsha suratady.
Sýdıanyń jumysyna baǵalaý Qazaqstan Respýblıkasy Joǵarǵy Sotynyń Tóraǵasy belgilegen ádistemeniń negizinde júrgiziledi.»;
30-tarmaqta:
2) tarmaqsha mynadaı redaksııada jazylsyn:
«2) joǵary turǵan satydaǵy sýdıanyń, sot tóraǵasynyń, sot alqasy tóraǵasynyń laýazymyna taǵaıyndaýǵa usynym jasaý;»;
4) tarmaqsha mynadaı redaksııada jazylsyn:
«4) basqa sotqa, basqa mamandanýǵa aýystyrý týraly;»;
mynadaı mazmundaǵy 6) tarmaqshamen tolyqtyrylsyn:
«6) joǵary turǵan satydaǵy sýdıanyń, sot tóraǵasynyń, sot alqasy tóraǵasynyń laýazymyna taǵaıyndaýǵa usynym berýden bas tartý.»;
ekinshi abzas mynadaı redaksııada jazylsyn:
«Sot jıýrıi biliktilik komıssııasynyń osy tarmaqtyń 2), 3) jáne 6) tarmaqshalarynda kózdelgen sheshimderi usynymdyq sıpatta bolady.»;
31-tarmaq mynadaı redaksııada jazylsyn:
«31. Sot jıýrıiniń biliktilik komıssııasynyń kásibı qyzmetti merzimdi baǵalaýdyń nátıjeleri boıynsha sýdıany kásibı jaramsyzdyǵyna oraı atqaratyn laýazymyna saı kelmeıdi dep taný týraly sheshimi Joǵarǵy Sot Tóraǵasynyń sýdıany atqaratyn qyzmetinen bosatý týraly usynýdy Joǵary Sot Keńesine engizýine negiz bolyp tabylady.
Sot jıýrıiniń biliktilik komıssııasynyń kásibı qyzmetti merzimdi baǵalaýdyń nátıjeleri boıynsha sýdıany basqa sotqa aýystyrý týraly sheshimi Joǵarǵy Sot Tóraǵasynyń sýdıany basqa sotqa aýystyrý týraly usynýdy, al aýysýdan bas tartqan jaǵdaıda sýdıany atqaratyn qyzmetinen bosatý týraly usynýdy Joǵary Sot Keńesine engizýine negiz bolyp tabylady.»;
33, 34 jáne 35-tarmaqtar mynadaı redaksııada jazylsyn:
«33. Sot jıýrıiniń biliktilik komıssııasy sheshimderdi qorytyndylar men hattamalyq sheshim nysanynda qabyldaıdy. Biliktilik komıssııasy músheleriniń daýys berýden qalys qalýǵa quqyǵy joq. Sheshim kópshilik daýyspen qabyldanady. Daýystar teń túsken jaǵdaıda ózine qatysty materıaldar qaralyp otyrǵan sýdıanyń jaǵdaıyn jaqsartatyn sheshim qabyldandy dep esepteledi. Biliktilik komıssııasynyń múshesi qabyldanyp otyrǵan sheshimmen kelispegen jaǵdaıda erekshe pikirin jazbasha kórsetýge quqyly, ol biliktilik komıssııasy otyrysynyń hattamasyna qosa tirkeledi.
Sýdıany atqaratyn laýazymyna saı dep taný týraly sheshim, joǵary turǵan satydaǵy sýdıa, sot tóraǵasy, sot alqasynyń tóraǵasy laýazymyna taǵaıyndaýǵa, joǵary turǵan laýazymǵa (joǵary turǵan sot satysyna) kadr rezervine qoıýǵa usynymdar hattamalyq sheshim nysanynda resimdeledi.
Hattamaǵa otyrysta tóraǵalyq etýshi men biliktilik komıssııasynyń hatshysy qol qoıady.
Sot jıýrıi biliktilik komıssııasynyń joǵary turǵan satydaǵy sýdıanyń, sot tóraǵasynyń, sot alqasy tóraǵasynyń laýazymyna konkýrsqa qatysýǵa nıet bildirgen sýdıanyń kásibı qyzmetin baǵalaý týraly sheshimi qabyldanǵan kúninen bastap bir jyl ishinde jaramdy bolady.
Sýdıany kásibı jaramsyzdyǵyna oraı atqaratyn qyzmetine saı kelmeıdi dep taný týraly, basqa sotqa, basqa mamandanýǵa aýystyrý týraly, joǵary turǵan satydaǵy sýdıanyń, sot tóraǵasynyń, sot alqasy tóraǵasynyń laýazymyna taǵaıyndaýǵa usynym berýden bas tartý týraly sheshim, qabyldanǵan sheshimniń negizdemesi kórsetilip, qorytyndy nysanynda resimdeledi.
Sot jıýrıi biliktilik komıssııasynyń sýdıany kásibı jaramsyzdyǵyna oraı atqaratyn qyzmetine saı kelmeıdi dep taný týraly, basqa sotqa, basqa mamandanýǵa aýystyrý týraly, joǵary turǵan satydaǵy sýdıanyń, sot tóraǵasynyń, sot alqasy tóraǵasynyń laýazymyna taǵaıyndaýǵa usynym berýden bas tartý týraly qorytyndysyna materıaldy qaraýǵa qatysqan Sot jıýrıi biliktilik komıssııasynyń barlyq músheleri qol qoıady.
34. Sot jıýrıi biliktilik komıssııasynyń sýdıa jumysynyń bir jyldyq merzimi ótkennen keıingi nátıjeleri týraly sheshiminiń kóshirmesi qaraýǵa túsken materıalmen birge, sondaı-aq sýdıany kásibı jaramsyzdyǵyna oraı atqaratyn qyzmetine saı kelmeıdi dep taný týraly, basqa sotqa, basqa mamandanýǵa aýystyrý týraly sheshimniń kóshirmesi, keıinnen Qazaqstan Respýblıkasynyń Joǵary Sot Keńesine usyný úshin Qazaqstan Respýblıkasy Joǵarǵy Sotynyń Tóraǵasyna jiberiledi.
35. Sot jıýrıiniń biliktilik komıssııasy hattamalyq sheshiminiń kóshirmesi tıisti oblystyq sotqa jiberiledi. Sot jıýrıi biliktilik komıssııasynyń sýdıany kásibı jaramsyzdyǵyna baılanysty atqaratyn qyzmetine sáıkes kelmeıdi dep taný týraly, basqa sotqa, basqa mamandanýǵa aýystyrý týraly, joǵary turǵan satydaǵy sýdıanyń, sot tóraǵasynyń, sot alqasy tóraǵasynyń laýazymyna taǵaıyndaýǵa usynym berýden bas tartý týraly qorytyndysynyń kóshirmeleri ózine qatysty sheshim qabyldanǵan sýdıaǵa, sondaı-aq tıisti oblystyq sotqa jiberiledi.»;
44-tarmaq mynadaı redaksııada jazylsyn:
«44. Eger jeke jáne zańdy tulǵalar sýdıanyń is-áreketterine shaǵymdanýdyń barlyq qolda bar ózge tásilderin paıdalanǵan bolsa, olardyń ótinishteri sýdıaǵa qatysty materıaldardy Sot jıýrıiniń tártiptik komıssııasynda qaraýǵa negiz bolyp tabylady.
Sýdıanyń is-áreketterine shaǵymdanýdyń qolda bar tásilderi dep jeke jáne zańdy tulǵalardyń ótinishterin sottardyń joǵary turǵan laýazymdy adamdarynyń, sýdıalar qaýymdastyǵy organdarynyń zańda belgilengen tártippen qaraýy túsiniledi.
Jeke jáne zańdy tulǵalardyń ótinishteri boıynsha tekserýdi Sot jıýrıiniń múshesi ýákiletti organmen birlesip júrgizedi.».
2. Osy Jarlyq alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń
Prezıdenti N.Nazarbaev
Astana, Aqorda, 2017 jylǵy 28 tamyz
№ 535