Bul kúni kompanııa birden úsh jańa smartfonyn tanystyrady, dep habarlaıdy The Wall Street Journal.
Basylym kórsetilimniń kúnin kompanııadan buryn jarııalady. WSJ derekkózderiniń habarlaýynsha, shara beısenbi kúni 12 qyrkúıekte ótedi. Buǵan deıin Mac4Ever basylymy da osy kúndi aıtqan edi.
Apple jańa qurylǵylardyń tanystyrylymyn kompanııanyń negizin qalaýshy Stıv Djobsqa arnalǵan jańa zalda ótkizgisi keledi. Jospar boıynsha onyń syıymdylyǵy 1000 adamǵa deıin. Alaıda zaldyń qurylysy aıaqtalmaǵan. Sol sebepti kórsetilim ýaqyty shegerilýi múmkin.
Basylymnyń málimdeýinshe, shara barysynda ramasyz ekrany men shyny korpýsy bar iPhone 8, iPhone 7s jáne iPhone 7s Plus tanystyrylymy bolady.Sonymen qatar, Apple Watch saǵaty jańa modeliniń usynylýy kútilýde. Resmı emes málimetterge sensek, saǵattyń jeke SIM-kartasy bolady.
The New York Times basylymy jańa iPhone 8 quny ádettegiden joǵary bolatynyn habarlaǵan. AQSh-ta baǵasy 999 dollar (iPhone 7 Plus 769 dollar) kóleminde bolady. Salystyrmaly túrde Samsung Galaxy Note 8 AQSh-ta 1100 dollar turady.
Aıta keteıik, Apple 10 jyldyq mereıtoıyna arnap tarıhyndaǵy eń úlken iPhone shyǵarady degen aqparat rastaldy. Al ótken aptada Tım Kýk Twitter-de Apple zaýyttarynyń birine saparynan sýretin jarııalanǵan bolatyn. Áleýmettik jeliniń qoldanýshylary korporasııa basshysynyń qaltasynda iPhone 8 tur dep boljap jatyr.
Sonymen qatar, 15 maýsymda ǵalamtorda Foxconn zaýytynan iPhone 8 qurastyrylyp jatqan vıdeo jarııalandy.