Búgin Astana qalasynda Ońtústik Qazaqstan oblysynyń kúnderi aıasynda «Ontustik Business: Múmkindikter men áleýet» atty bıznes-forým.bolyp ótti.
Forým jumysyna QR «Atameken» UKP basqarma tóraǵasynyń orynbasary Nurjan Áltaev, «Qazaqstan Damý banki» AQ tóraǵasy Bolat Jámishev bastaǵan damý ınstıtýttary men ekinshi deńgeıli bankter men kásipkerlerden quralǵan 150- ge jýyq adam qatysty.
Bıznes-forým barysynda óńirdiń ınvestısııalyq jobalary, ınvest preferensııalar men týrıstik ónimderdiń tanystyrylymy ótti. Kezdesýdiń basty maqsaty - Ońtústiktiń ınvestısııalyq múmkindikterin tanystyra otyryp, óńirge ınvestısııa tartý. Osy arqyly oblys ekonomıkasyn damytý jáne týrısterdi kóptep shaqyrý.
Ońtústik Qazaqstan oblysy - ekonomıkalyq áleýeti zor, turaqty damyp kele jatqan óńir ekenin aıtqan oblys ákimi Janseıit Túımebaev aımaq Orta Azııa, Taıaý Shyǵys pen Eýropa elderin baılanystyratyn joldardyń qıylysynda ornalasqanyn, sonyń nátıjesinde shekaralyq saýda-sattyq pen eksporttyq óndiris damyp keletinin jetkizdi.
«О́zderińizge belgili, álemde sapaly azyq-túlik ónimine degen suranys jyl saıyn artyp keledi. Tutynýshy sapa men qaýipsizdikti talap etedi. Bul turǵyda Qazaqstanǵa Reseı, Qytaı, Iran jáne basqa da elder sekildi jańa naryq ashylýda. Osy naryqty ıgerýde Ońtústik Qazaqstan oblysynyń áleýeti zor. Sebebi, tarıhı ólkeniń agrarly salasy jaqsy damyǵan. Sońǵy 3 jylda jınalǵan baqsha ónimderiniń kólemi 1 mıllıon tonnadan asyp túsedi. Qazaqstandaǵy jylyjaıdyń 90 paıyzy bizdiń óńirde ornalasqan. Maqta tolyǵymen, al júzim men baqsha ónimderiniń 70 paıyzy osy oblysta ósiriledi»,-dedi oblys ákimi J.Túımebaev.
Forým aıasynda sóz alǵan «KAZAKH INVEST» UQ» AQ basqarma tóraǵasynyń orynbasary Meıirjan Maıkenov Qazaqstannyń ınvestısııalyq klımaty jóninde baıandama jasady.
Bıznes-forým aıasynda 6 memorandýmǵa qol qoıyldy. Solardyń alǵashqysy bop «Shymkent» «Áleýmettik-kásipkerlik korporasııa» Ulttyq kompanııasy» Aksıonerlksıonerlik qoǵamy Qytaıdyń Anhoı provınsııasy halyqaralyq saýda qatynasyn damytý komıtetimen ekijaqty túsinistik jóninde memorandýmǵa qol qoıdy. Sondaı-aq dál osy kompanııa «NG-Energo» AAQ-men áriptestik arttyrý jóninde kelisimge keldi. Eki tarap aldaǵy ýaqytta ózara qarym-qatynasty damyta túspek.
Sonymen qatar, Ońtústik Qazaqstan oblystyq kásipkerlik, ındýstrıaldy –ınovasııalyq damý jáne týrızm basqarmasy men «POWER LANDMARK HOLDINGS LTD» kompanııasy arasynda ózara kelisimge kelip, ınvestısııalyq jobalardy iske asyrý jóninde memorandýǵa qol qoıdy.
Aıta keteıik, jalpy oblysqa osy jyly 229,9 mlrd. teńge ınvestısııa tartylyp, bul ótken jyldyń tıisti kezeńimen salystyrǵanda 31,5 paıyzǵa ósip, respýblıkadaǵy úlesiniń 5,7 % quraǵan. О́ńirge kóptep ınvestısııa tartý maqsatynda jyl basynan beri shetel ınvestorlarymen 40-tan asa iskerlik kezdesýler uıymdastyryldy. Nátıjesinde BAÁ – medısınalyq buıymdar jáne dárilik zattar shyǵaratyn zaýyt salý, Reseı elimen – Evro-5 standartyna saı janar-jaǵarmaı óndiretin munaı óńdeý zaýytyn salý, al Qytaı elimen birlese bıoetalon, fosfor tyńaıtqyshyn shyǵaratyn jáne 200 MVt kún elektr stansııasy qurylystaryn júrgizý boıynsha kelisimderge qol qoıylǵan.