Qazaqstan Respýblıkasynyń Memlekettik hatshysy Gúlshara Ábdiqalyqova Qazaqstan Respýblıkasynyń Konstıtýsııasy kúnine arnalǵan «Konstıtýsııa jáne qoǵam men memlekettiń jańǵyrýy» atty halyqaralyq ǵylymı-tájirıbelik konferensııaǵa qatysty. Bul týraly akorda.kz habarlady.
Is-sharaǵa Parlament depýtattary, ortalyq memlekettik organdar jetekshileri, halyqaralyq uıymdar ókilderi, taıaý jáne alys shet elderdiń quqyq salasynyń sarapshylary, elimizdiń ǵylymı qaýym ókilderi qatysty.
Memlekettik hatshy konferensııada Qazaqstan Prezıdentiniń forýmǵa qatysýshylarǵa arnalǵan quttyqtaýyn oqyp berdi.
Quttyqtaýda Memleket basshysy konstıtýsııalyq reforma elimiz damýynyń 25 jyldyq tájirıbesin jáne jurtshylyq pikirin eskere otyryp júrgizilgenin atap ótken. Onyń negizi – bılik tarmaqtary arasynda birqatar ókilettikterdi qaıta bólý, Parlament pen Úkimettiń derbestigin keńeıtý, konstıtýsııalyq qundylyqtardy, adamnyń jáne azamattyń quqyqtary men bostandyqtaryn qorǵaý tetikterin nyǵaıtý, sot júıesi men memlekettik basqarýdy jańǵyrtý.
– Konstıtýsııalyq ózgerister qoǵam men memlekettiń tynys-tirshiliginiń barlyq salasyn odan ári jańǵyrtýdyń berik negizin qalaıdy. Osy turǵydan Qazaqstandaǵy konstıtýsııalyq reforma jáne ony iske asyrý qazaqstandyqtardyń da, sheteldik qonaqtarymyzdyń da zor qyzyǵýshylyǵyn týdyrady, – delingen Nursultan Nazarbaevtyń quttyqtaýynda.
Sondaı-aq, konferensııada Qazaqstan Joǵarǵy sotynyń tóraǵasy Q.Mámı, Armenııa Konstıtýsııalyq sotynyń tóraǵasy, Jańa demokratııa elderiniń konstıtýsııalyq baqylaý organdary konferensııasynyń tóraǵasy G.Arýtıýnıan, Grýzııa Joǵarǵy sotynyń Tóraǵasy N.Gvenetadze, Venesııa komıssııasynyń ókili S.Kýznesov jáne t.b. quttyqtaý sóz sóıledi.
Konferensııaǵa qatysýshylar Qazaqstan Prezıdentiniń bastamasymen elimizde júrgizilgen konstıtýsııalyq reforma nátıjelerin aıryqsha atap ótti. Olar reformalardyń Qazaqstandy Úshinshi jańǵyrtý isiniń tabysty iske asyrylýyna septigin tıgizetinine senim bildirdi.