Saýda: Derek pen dáıek

Munaıly Atyraýmen eko­no­mı­kalyq baılanys ornatýdy kóz­degen shet memleketter kóbeıýde. Máselen, Atyraýda AQSh-tyń ár saladaǵy 42 birlesken kásiporny jumys jasaıdy. Eýropa el­de­ri­niń yqylasy munaıly óńirge aýdy. Kanadanyń isker toptary da Aty­raýdyń san alýan sala­syn­da saýda-ekonomıkalyq qarym-qa­tynasty jandandyrýdyń qamy­na kiristi. Bul týraly oblys ákimi­niń birinshi orynbasary Bolat Dáýkenovpen kezdesýde Kanada­nyń Qazaqstan­daǵy Tótenshe jáne ókiletti elshisi Stıven Mıllar málim etti. Qazir munaıly óńirde úıeńki japyraqtar eliniń 8 birlesken kásiporny jumys istese, Aty­raý­men aradaǵy saýda-ekonomıkalyq baılanys ótken jyly 2 mıllıard 151 mıllıon AQSh dolla­ry­na jetken eken. Bıylǵy 9 aıda bul kórsetkish bes esege deıin ósipti. Elshiniń aıtýynsha, alda­ǵy ýaqytta Atyraýǵa Kanadanyń jetekshi bıznesmender tobynyń saparyn uıymdastyrý josparlanýda kórinedi.

Joldasbek ShО́PEǴUL, Atyraý oblysy.  

40 000 000 Jyl sońyna deıin kólik joldaryn kútýge qala bıýdjetinen qosymsha osynshama teńge qarjy qarastyrylatyn boldy.

Bul jaıynda Aqtóbe qalasy­nyń ákimi Nurmuhambet Ábdi­kov­tiń tóraǵalyǵymen ótken shahar­dy sanıtarlyq tazalaý jáne kór­keıtý jónindegi merdigerlik uı­ym­dar  máseleleri  qaralǵan jı­yn­da aıtyldy. Aqtóbe qalasy men qalaǵa qarasty bes aýyldyq okrýgtegi kólik joldaryn kúzgi-qysqy merzimde  kútý jumys­ta­ry­men «Taza qala», «Tazalyq», «Aktobegordorstroı», «KTP», «Aq­jolLTD», «Assan-StroıServıs», «Dorojnık-K» mekemeleri aına­lysady. Olardaǵy 52 ózi aýdaratyn kólik, 20 avtogreıder, 25 tıegish, 21 «MTZ-80» 25 «PM-130» tehnıkasy, «ZIL-130» baza­syn­daǵy 9 qum­shash­qysh,  2 qar jı­na­ǵysh, 2 «K-701», «Ýral» baza­syn­daǵy rotorly tehnıkalar men tir­kemelerdi qosqanda bar­ly­ǵy 160 arnaıy tehnıka tazartý jumys­taryna tartylady dep kútilýde. Sondaı-aq, jedel áreket etý úshin merdigerlik uıymdarda táý­lik boıǵy kezekshilik uıym­das­ty­rylady. Qala basshysy kúzgi-qys­qy tazalyq jáne joldardy kútip ustaý jumystarynda kidiris bolmaýy úshin arnaıy tehnıka parkin keńeıtýdi mindettedi.

Satybaldy SÁÝIRBAI, Aqtóbe oblysy.  

11 «Jaıyqjylýqýat»  AQ bıylǵy maýsymda osynsha shaqyrym jylý júıesin aýystyrdy.

Iá, qylyshyn súıretip qoıan jylynyń qysy da jaqyndap qaldy. Osyndaı qatal synǵa jylý óndiretin kásiporyn orny tyńǵylyqty ázirlik jasady. Mundaǵy jańǵyrtý jumystary uzaq merzimdik josparǵa saı jyl saıyn jalǵasyp keledi.  Búginde «Jaıyqjylýqýat» kommýnaldyq kásiporny qýat únemdeý baǵdar­la­masy boıynsha jumys isteıdi. Soǵan saı qubyrlar sońǵy ýaqytta jylýdy ustap turatyn materıaldarmen qaptala bastady. Buǵan qosa taıaýda jylý únem­de­gish jańa tehnologııa óndiriske engizilmek. Kásiporynnyń qysqa ázirlik jumystaryna qajetti qa­rajat jóndeý qorynan jáne bıýdjet qarjysy esebinen bólingen. Onyń mólsheri 214,8 mıllıon teńge.

Temir QUSAIYN, Oral.