Aqsý qalasyndaǵy Eýrazııalyq Toptyń (ERG) quramyna kiretin «Eýroazııattyq energetıkalyq korporasııa» AQ jalyp, jyl saıyn az qamtamasyz etilgen jáne kóp balaly otbasylarǵa, múgedek jáne jetim balalarǵa qoldaý kórsetip keledi.
Korporasııanyń vıse-prezıdenti Tatıana Nosachevanyń aıtýynsha, bıylǵy jyly Úshterek, Mámáıit Omarov atyndaǵy aýyldarǵa qarasty 5 mekteptiń 292 oqýshysy jańa oqý jylynyń aldynda korporasııa atynan arnaıy mektep formasy, sporttyq kostıýmdar, qysqy kıimder, keńse taýarlary berildi. Jáne de kásiporynda eńbek teip júrgen kóp balaly energetıkter otbasylaryna da materıaldyq qoldaý kórsetip, qosymsha 25 myń teńge kólemindegi qarajat bóldi.
Al, korporasııaǵa qarasty ekibastuzdyq «EEK» AQ «Shyǵys» kenishiniń ákimshiligi jáne kósipodaq komıteti jumysshylardyń balalary úshin Bilim kúnine oraı sporttyq sharalar ótkizýde. Sonymen birge, korporasııa qamqorlyǵyndaǵy «Úmit» balalar úıi tárbıelenýshilerine kásipodaq komıteti 100 myń teńge bóldi. Jazǵy demalys kezinde korporasııasy ákimshiligi kásipodaq komıtetteri Baıanaýyl tabıǵı parkindegi «Qarlyǵash» jáne «Discovery» (Býrabaı) aımaǵyna jumysshylarynyń balalaryna 255 joldama satyp alyp beripti. Mysaly, 200-ge jýyq bala kásiporynnyń Aqsýdaǵy emdeý-saýyqtyrý kesheninde densaýlyǵyn jaqsartsa, 745 balaǵa joldama kásipornynyń «Jasybaı» demalys úıine berildi.
Kásiporynnyń balalar jazǵy demalysyna, «Mektepke jol» sharasyna degen úlesi óńirdiń áleýmettik-ekonomıkalyq jaǵdaıynyń jaqsarýyna yqpalyn tıgizip, iskerlik jaýapkershiliginiń úlgisi. Qazir Eýrazııalyq Top (ERG) bastap óńirde «Týǵan jer» atty monoqalalardyń jergilikti turǵyndarynyń áleýmettik jaǵdaılaryn jaqsartýǵa baǵyttalǵan baǵdarlamany júzege asyrýǵa kiristi.
Farıda BYQAI, «Egemen Qazaqstan
Sýretti túsirgen: Elena Garkava