Jetimderdi jebeıik

Astana qalasynyń Balalar úıinde «Qýan, sábı» degen atpen ashyq esik kúni ótti. Bilim jáne ǵylym mınıstrligi Balalar qu­qy­ǵyn qorǵaý  jónindegi komıte­ti­niń uıymdastyrýymen ótkizilip otyrǵan sharaǵa jetimderdi qam­qor­lyǵyna alýǵa nıettengen azamattar qatysty desek, jetim ba­la­larǵa pana bolyp kele jatqan úıde búginde 209 bala tálim-tár­bıe alyp jatyr. Olar 15-20 ba­la­­d­an turatyn 13 otbasyǵa bóli­nip, aǵaıyndy  balalardyń bir úıde  turýyna múmkindik jasal­ǵan. 2009-2010 jyldary ǵımara­ty­na kúrdeli jóndeý jumystary júrgizilgen balalar úıinde 74 myńnan astam kitap qory bar kitaphana da jumys istep tur. Mun­daǵy árbir balanyń  densaý­lyǵyna da asa zor mán beriledi. Emdeý, stomatologııa, fızıo, massaj kabınetteri jumys isteıdi. Jetkinshekter ónerden de qur ala­qan emes. Halyqaralyq dáre­jede ótken  túrli konkýrstarda  júldeli oryndarǵa ıe. Búgingi sharada úrmeli aspaptar orkestri, bı ujymdary  óz ónerlerin or­taǵa salyp, kelýshilerdiń kóńilin bir serpiltip tastady. Jetimder úıiniń maqtanyshy – ol mektep túlekteri. Olar búginde  L.N Gýmılev atyndaǵy Eýrazııa ulttyq ýnıversıtetinde, Mýzyka akade­mııasynda, medısına ýnıversıtetinde oqyp jatyr. Balalar úıi­nen «Otbasyn qorǵaý qyz­meti» atty kabınet ashylyp, bala asy­rap alam deýshilerge psı­holo­gııa­lyq kómek kórsetiletin bolǵan. Jetimderdiń  taǵdyryna beıjaı qaramaıtyn azamat­tar­dyń osy sharaǵa kóptep kelýi qýantty bizdi. Dınara JAMShITOVA, jýrnalıst.