Adastyrmas basty baǵdar

Eli­miz táý­el­sizdik jyldary tama­sha ta­bys­tarǵa qol jetkizdi, halyq­ara­lyq be­deldi uıymdar tórinen oryn aldy. Qazaqstandy dúnıejúzi moıyndady. Bul kúnde Astanada ótip jatqan EKSPO-2017 halyqaralyq kór­mesi sonyń naqty dáleli ekeni aıdan anyq. Qostanaı oblysy eli­mizdiń ekonomıkalyq jáne áleý­mettik jaǵynan gúlde­nýi­ne qomaqty úles qosyp kele­di. Qazaqstanda óndi­ril­gen altyn as­tyqtyń tórtten birin Qos­tan­aı oblysy beredi. Elimiz­de un óndirýden Qostanaı obly­sy aldyna qara salǵan joq, azyq-túlik­tiń basqa túrlerin ón­dirýde de ol aldyńǵy oryndar­dan kórinedi. Ken óndirý, mashına jasaý, aýylsharýa­shylyq ónimderin óńdeý jóninen de Qostanaı ındýstrııalyq aı­maq­tar qataryna qosylǵan. Táý­el­sizdik tolaıym tabystarymyzben de nyǵaıyp keledi. 

Konstıtýsııa osyndaı baı da, beıbit elde turyp jatqan adam­darǵa jaqsy turýdyń jáne ba­qytty bolashaǵymyzdyń bar­lyq múmkindikterin berdi. Biz jas urpaqtyń keleshegin oı­lasaq, Konstıtýsııa bergen múm­kin­dikter men kepildikterdiń qadi­rine jetýimiz qajet. О́ıtkeni ýaqyt, zaman túrli bolýy yqtımal. Biz ómir súrip otyrǵan jahandaný úderisi sony meńzeıdi. Táýelsizdiktiń eleń-alańynda, elimiz basynan daǵdarys keze­ńin ótkizgen kezeńde Elbasy Nursultan Nazarbaev memleket úshin kóptegen jaýapkershilikti óz moınyna ala bildi. Beles-beles qıyndyqtardan halqyn aman alyp shyqty, táýelsiz mem­lekettiń irgetasyn qalady. En­di jas urpaq Táýelsizdiktiń tu­ǵyryn nyqtaý úshin rýhanı jań­ǵyrý kerek. 

«Bolashaqqa baǵdar:rýhanı jań­ǵyrý» baǵdarlamalyq maqa­la­synda Nursultan Ábishuly onyń baǵyt-baǵdarlaryn kór­setip berdi. Osyǵan oraı oblysta jan súısinerlik jumystar bastaý aldy. Búgingi urpaq atalar salǵan izdi joǵaltpaýy tıis: ol – halqymyzdyń tili, dini, dás­túri, tarıhy. Konstıtýsııa kúni qarsańynda oblystyń bar­lyq shalǵaıynda júrgizilgen ju­mys­tar osyny baǵdarsham etip alǵany qýantady. Jastar ót­kiz­gen dóńgelek ústel, ult­tyq oıyndar, aıtystar, ur­paqtar ókilderiniń kezdesýi se­kildi túrli sharalar jurttyń kó­ńi­lindegini dóp tapqandaı bol­dy. Konstıtýsııa bergen ke­pildikterge berer jaýap osylaı bolsa kerek-ti. 

Aleksandra SÝSLOVA, Qostanaı oblystyq Qazaqstan halqy assambleıasy qoǵamdyq kelisim keńesiniń tóraıymy