Azattyqty ańsaǵan abyz aqyn

Kerderi Ábýbákir Boranqululynyń 150 jyl­dyq mereıtoıy Alǵa qalasynda ótti. Ol otarlyq ezgiden, quldyq buǵaýdan azat bolýdy, zaman, adam, din, ádet-ǵuryp, ımandylyq, halqymyzdyń tur­mys-tirshiligi, adamı qadir-qasıeti týraly óleń-tolǵaýlary qazaq jerine eń kóp taraǵan aqyn­­dardyń biri. Kóptegen óńirlerge jıyr­ma­syn­shy ǵasyrdyń basynda-aq máshhúr bolǵan onyń kezinde Shortanbaı, Murat, Dýlattarman birge zar zaman akyny retinde baǵalanǵany da ras. Táýel­sizdik alǵannan keıin ǵana Kerderi Áb­ý­bákir shy­­ǵarmalary hal­qy­men keńirek qaýysh­ty desek, a­r­tyq aıt­qan­dyq bolmas. Eń al­dy­men Ker­deri Ábý­bákir Boran­qul­uly­nyń 150 jyl­dy­ǵyna arnalǵan ǵy­ly­mı-tájirı­belik konferensııa ótkizildi. Aýdan ákimi Qabaı Sársenǵalıev kon­ferensııaǵa qaty­sý­shylarǵa qut­tyqtaý sóz arnap, aqyn ómiri men shyǵarma­shy­lyǵy jáıli, urpaqtar tárbıesindegi máni men mańyzy haqynda oı órbitti. Al fılologııa ǵylymdarynyń kandıdaty Serik Berma­ǵam­betov Kerderi Ábýbákirdiń shyǵar­mashylyq ǵu­my­ryn tarqatyp aıtyp, ol ómir súrgen kezeńdi sha­ıyr­dyń óz óleń-tolǵaý­larynda kezdesetin derektermen dáıektese, fılologııa ǵylymdarynyń dok­tory Jubanazar Asanov aqyn shyǵarma­lary­nyń janrlyq-taqyryptyq erekshelikterine toqtaldy, onyń shyǵarmashylyq mura­synyń san-salalyǵyn tilge tıek etti. Onda tolǵaý, arnaý, joqtaý, súre aıtys, jazba aıtys, jumbaq aıtys, madaq, saıası-áleýmettik fılosofııa, kóńil-kúı lırıkalary kezdesetinin baıandady. Konferensııada sóz alǵan aqyn Aqushtap Baq­ty­gereeva óziniń Kerderi Ábýbákirdiń atajurty bolǵan Jaıyq boıynyń jyrsúıer jurtynan ys­tyq sálem alyp kelgenin jetkizdi. Kerderi Ábý­bákir aqyndy halqynyń muńyn muńdaǵan, joǵyn joqtaǵan Móńke bı­diń jalǵasy retinde ba­ǵalaýy da jara­sym­dy shyqty. Konferensııada sóz al­ǵan­dar Kerderi Ábý­b­ákirdiń esi­min este qaldyrý úshin mektepke, kóshe­ge atyn berýdi usyndy. Aqyn mereıtoıy «Táýelsizdik – elim­niń erlik joly» atty respýblıkalyq aqyndar aıty­symen jalǵasty. Eli­miz­diń túkpir-túkpirinen kelgen jıyrmadan astam aqyn­dar aıtystyń kóri­gin qyz­dyr­dy. Alaman aı­tys­ta Aqtóbeniń aby­roıy asqaq­ta­dy, shalqarlyq Qaınar Alagózov je­ńim­paz boldy. Aqynnyń 150 jyldyq mereıt­oıy­men tustas Alǵa qalasynyń 50 jyldyǵy atalyp ótti. Qala kósheleri toı saltanatyna bólendi. Táýel­sizdik saıabaǵyna tigilgen kıiz úılerde mol dastar­qan jaıyldy, án shyrqalyp, bı bılendi. Eń bas­ty­sy, Kerderi Ábý­bákir aty máńgilikke qaldy, aqyn babamyzǵa eskertkish ornatyldy. Kóptegen sport túrlerinen jarys­tar ótkizildi. Sport saıys­tarynyń qorytyndysy­men jalpy koman­dalyq esepte alǵalyqtar aldaryna jan salmady, birinshi oryn­dy ıelendi. Ekinshi jáne úshinshi oryndar Temir jáne Muǵaljar aýdandary­nyń enshisine buıyr­dy. Satybaldy SÁÝIRBAI, Aqtóbe oblysy.