Ǵıbraty mol ǵumyr

Eli úshin eńbek etip, halqynyń qalaýlysy bolý ekiniń biriniń mań­daıyna jazyla bermeıtin baqyt. Mi­ne, sondaı sırek tulǵalardyń qa­ta­rynda nebári 35 jasynda Qazaq KSR Joǵarǵy sotynyń tóraǵasy bol­ǵan belgili qoǵam qaıratkeri Ábı­dolla Bıekenovtiń esimi atalýy zańdy. Quıryqty juldyzdaı aǵyp ótken qysqa ǵumyrynda halqynyń qaje­ti­ne jaraıtyn, eliniń erteńine qyzmet etetin jumystar atqaryp ketken abzal azamattyń týǵanyna 100 tolýy ózi týǵan Aqtóbe topy­ra­ǵynda ádemi atalyp ótti. Oblystyq sottyń mur­yndyq bolýymen ótken osy merekelik sharaǵa jurtshylyq kóp jınal­dy, mereıtoı ıesiniń ur­paq­tary, kóz kórgender alys-ja­qyn­nan arnaıy at arytyp kelip, bas qosty. Aldymen, oblystyq sot al­dyna qoıylǵan Ábı­dolla Bıekenov­tiń eskertkish músi­niniń aldynda eske alý mıtıngisi boldy. Mıtıngini Aqtóbe qalasynyń ákimi Nurmu­ham­bet Ábdibekov qysqa­sha kirispe sóz sóılep ashty. Ol qys­qa ǵumyrynda eli úshin eńbek etýdiń úlgisin kór­set­ken tulǵanyń halyq jadynda máńgi saqtalatynyn jetkizdi. Onyń eli­miz­diń sot júıesin qa­lyp­tastyrýǵa ólsheýsiz úles qosqa­nyn aıta kelip, 100 jyldyq mereı­to­ıynyń el Táý­elsizdiginiń 20 jyl­dy­ǵymen tuspa-tus kelýiniń ózinde úılesimdilik bar ekenine toqtaldy. Senator Iran Ámirov, Joǵarǵy Sot janyn­da­ǵy sottardyń qyzmetin qam­tamasyz etý departamentiniń bas­shy­sy Baý­yrjan Jumaǵulov, uly Marat Bıekenov jáne basqalary mereıtoı ıesiniń azamattyq, ákelik, bas­shylyq qasıetterin tarata kelip, onyń ómir joly týraly estelikter aıtty, bilikti basshy, sot isiniń bilgiri, ensı­k­lo­pedııalyq bilim ıesi ekenin, adamı bolmys-bitimin jınalǵan­dar ja­dyn­da jańǵyrtty. Mıntıngide shyǵyp sóıleýshiler belgili qoǵam qaıratkeri Ábıdolla Bıekenovtiń ǵıbraty mol ómirbaıa­nyn negizge ala otyryp, talantty tulǵanyń bolmys-bitimin asha tústi. Oǵan degen aqtóbelikterdiń qalt­qy­syz kóńiliniń belgisindeı eskertkish músini oblystyq sottyń aldyna qoı­ylǵan, Shalqar qalasyndaǵy bir kó­­she onyń atymen atalady. Qala ákim­digi, quqyq qorǵaý organdary, joǵa­ry oqý oryndary, mekemeler eskert­kish músinge gúl shoqtaryn qoıdy. Sodan keıin Ábıdolla Bıeke­nov­tiń 100 jyldyǵyna arnalǵan konferensııa ótkizildi, «Jasyn ǵumyr» kitabynyń tusaýkeseri boldy. Ur­paq­tary as berip, quran baǵyshtatty. Satybaldy SÁÝIRBAI, Aqtóbe oblysy.