Qazaqstan Respýblıkasy Ulttyq ulany «Ońtústik» óńirlik qolbasshylyǵynda Ata Zań kúnin ulyqtaýǵa arnalǵan merekelik sharalar ótti.
Qazaqstan Respýblıkasy Ulttyq ulany «Ońtústik» óńirlik qolbasshylyǵy qolbasshysynyń ýaqytsha mindetin atqarýshy, general-maıor Andreı Qaskeleńov elimizdiń barlyq azamattary men áskerı qyzmet salasynyń mamandaryn adam ómiri men bostandyǵyn basty qundylyq etken, demokratııalyq zaıyrly, quqyqtyq jáne áleýmettik memleket kepildigi bolyp tabylatyn Konstıtýsııa kúnimen quttyqtaı kele: «Ata zań – bizdiń azattyq alǵaly atqarǵan barlyq isterimizdiń altyn tarazysy bolyp tabylady. Bas qujat memlekettiń órkenıetti damýyna negiz qalady, adam quqyǵy men bostandyǵyn qorǵaý isine kepil boldy. Respýblıkadaǵy qoǵamdyq kelisim men saıası turaqtylyq qaǵıdasy memleket jumysynda túrli ınstıtýttar men saıası partııalar, qoǵamdyq birlestikter men el bolashaǵyna alańdaıtyn árbir azamat úshin aıryqsha mańyzdy ról atqarady. Aımaqtyq qolbasshylyqtar áskerı bólimsheleriniń kúndelikti qyzmeti azamattarymyzdyń óz konstıýtsııalyq quqyqtaryna degen senimdiligin, qaýipsizdigin qamtamasyz etip otyrady. Patrıotızm men zııatkerlikti, salaýatty ómir saltyn basty qaǵıda etip ustanatyn 21-shi ǵasyr jaýyngeri sondaı-aq, Ata Zańnyń ár sózin jete túsinip, sonyń negizinde tárbıelene tıis. Búginde biz barynsha sol údeden shyǵýǵa umytylyp otyrmyz», – dedi.
Al «Ońtústik» óńirlik qolbasshylyǵynyń shtaby bastyǵynyń ýaqytsha mindetin ýaqytsha atqarýshy, polkovnık Saǵıtjan Tazabekov: «Ulttyq ulan jaýyngerleriniń aıbyndy qyzmeti – halqymyzdyń bostandyǵynyń, elimizdegi quqyqtyq tártip pen tynyshtyqtyń jáne ár qazaqstandyq senimdiliginiń myzǵymas kepili. Ata zańǵa adal jaýyngerler el ıgiligi men qoǵam tynyshtyǵy jolynda qaltqysyz qyzmet ete bermek. Egemendi eldiń azattyq alǵan ýaqyttan beri atqarǵan isteriniń altyn tarazysy bolyp tabylatyn Ata Zańymyzdy ulyqtap, ardaq tutý barshamyzdyń basty mindetimiz», – deı kele, jaýyngerlik qyzmette erik, jigerimen, tabandylyǵy jáne eńbeksúıgishtigimen daralanǵan áskerı qyzmetkerlerge IIM-niń maqtaý qaǵazdary men arnaıy syılyqtaryn tabys etti.
«Elimizdiń búginde keregesi keń, irgetasy myqty elge aınalýynyń negizi bolyp sanalatyn Ata Zańymyzdy ulyqtaý sharasyn bizdiń «Ońtústik» óńirlik qolbasshylyǵy jylda saltanatty túrde atap ótedi. Ata Zańǵa kórsetiletin qurmetti aldymen iz ózimizden bastaýǵa tıispiz. Munyń bári tek merekelik shara ǵana emes, áskerı boryshyn ótep jatqan jas sarbazdyń boıyna Ata Zańǵa laıyqty qurmet kórsetýdi, onyń ár sóılemi men ár sózin qalaı este tutyp, qurmettep júrýdi sińire biler máni zor tárbıe de. Munyń bári óz kezeginde patrıottyq rýhty qalyptastyrýǵa, armııamyzdyń aıbynyn asqaqtatýǵa, septigin tıgizetini anyq», – degen «Ońtústik» óńirlik qolbasshylyǵynyń baspasóz qyzmetiniń bastyǵy, maıor Arman Áýbákirov táýelsizdik jyldary qyzmettik-jaýyngerlik mindetterdi oryndaý kezinde tanytqan erligi men batyldyǵy, áskerı qyzmettegi jetistikteri úshin Ulttyq ulany «Ońtústik» óńirlik qolbasshylyǵynyń 100-den asa jaýyngeri orden jáne medaldarmen marapattalǵanyn jetkizdi. Sońǵy eki jyldyń ishinde ǵana áskerı qyzmetti abyroıly atqaryp, qoǵamdyq tártipti qamtamasyz etý kezinde qyzmetti uıymdastyra bilýi men qylmystardy ashýǵa belsendi atsalysqany úshin 22 áskerı qyzmetkerge úkimettik jáne vedomstvolyq nagradalar tabys etilgen eken.
Táýelsizdiktiń teńdessiz tartýy – Ata Zań merekesine arnalǵan saltanatty sharalar Almatyda ǵana emes, «Ońtústik» óńirlik óńirlik qolbasshylyǵyna qarasty Qyzylorda, Shymkent, Taraz, Taldyqorǵan qalalaryndaǵy barlyq áskerı bólimderde ótip, jeke quramǵa arnalǵan júrekjardy quttyqtaýlar joldandy. «MEGA» oıyn-saýyq keshenindegi ulyq mereke kúnine oraı jalpy qala turǵyndaryna arnalǵan QR Ulttyq ulany «Ońtústik» óńirlik qolbasshylyǵy «General» án-bı ansambliniń merekelik konserttik baǵdarlamasyna ulasty.
Mıra BAIBEK,
«Egemen Qazaqstan»
ALMATY